Kuvuma Unelwati

Uyamenywa kutsi ungenele loluhlololuvo lweprojekthi yelucwaningo loluphenya budlelwano emkhatsini wemasiko aseNingizimu Afrika kanye netilwane tasendle. Lolucwaningo lwetifundvo letiphakeme teBudokotela letentiwa ngu-Fortunate Phaka lobhalise e-Nyuvesi yase-North-West kanye naseNyuvesi yase Hasselt. Kungenelela kwakho loluhlololuvo kutawutsatsa cishe emaminitsi lali-15. Uyacelwa kutsi utsatse sikhatsi ufundze lwatiso lolutfulwa lapha, lolutawuchaza imininingwane yaloluhlolo. Sicela ubute umcwaningi nome ngabe nguyiphi imibuto lephatselene noma nguyiphi incenye yaloluhlolo longayivisisi kahle usebentise lemininingwane yekuchumana ngentasi. Kubaluleke kakhulu kutsi weneliseke ngalokugcwele, nekutsi uvisise kutsi lolucwaningo lungani nekutsi wena ungadlala yiphi indzima. Kungenelela kwakho loluhlololuvo ukwenta ngekutikhetsela. Nawutsandza ungala kulungenelela loluhlolo noma uyekele noma nini ngaphandle kwekujeziswa. Angeke ukwati kungenelela loluhlolo uma ngabe ungaphasi kweminyaka leli-18.

Nangabe uyavuma kungenelela loluhlololuvo utawubhekeka kutsi uphendvule imibuto lemayelana nekutsi lisiko lako lihlobana njani netilwane tasendle. Imiphumela itawukhishwa ngekubhalwa kwemaphepha emfundvo, umculu noma pheceleti i-thesis kanye nencwadzi. Loluhlolo lufaka sandla ekongiweni kwelwati lwesintfu bese kutsi timphendvulo talabatawudlala indzima titawuhlanganisa kwentiwe incwadzi ngemasiko aseNingizimu Afrika kanye netilwane tasendle. Kwentela kufihlakala kwemagama ebantfu labatawuphedvula, angeke ubutwe ligama lakho. Kucinisekisa kutsi kute kuphindzeka kwebantfu labangenele loluhlololuvo, utawucelwa kutsi ufake inombolo yelucingo noma likheli le-imeyili. Loku ngeke kusetjentiswe kuchumana nawe futsi kute lotawukwati kubona kutsi ungubani nekutsi takho letimphendvulo. Futsi kute lotawati kutsi ulungenelele loluhlololuvo.

Ligama lemcwaningi: Fortunate Mafeta Phaka
Inombolo yelucingo: 0658563696 (WhatsApp)
I-imeyli: wild@wildvernac.org