“Camiño á igualdade: Arzúa unha nova etapa”, é un programa de andainas impulsado pola Concellería de Igualdade do Concello de Arzúa que nace con dous obxectivos fundamentais. O primeiro é aportar unha alternativa de ocio saudable para as mulleres da contorna. O segundo ven marcado pola necesidade de posibilitar ás mulleres do concello de espazos seguros e de encontro. Será mediante estes espazos nos cales se traballe de xeito transversal a prevención de violencias machistas e a mellora da autoestima das mulleres participantes para poder intervir en situacións de desigualdade de xénero.

Este programa contará con seis roteiros diferentes pertencentes ao concello de Arzúa. As andainas contarán con un quecemento tanto físico como mental, no cal preparar corpo e mente para abordar diferentes temáticas.  Ao mesmo tempo que se descobren lugares e contornas naturais de interese, teceremos redes entre nós.

As andainas realizaranse os sábados cunha periodicidade quincenal, comezando o 9 de setembro e rematando o 18 de novembro. O horario das andainas será de 11:00 a 13:00.

Para inscribirte responde ás preguntas que aparecen a continuación e ao final dalle a enviar.