Сябры, у нядзелю 2 студзеня Арт Вандроўня прапануе Вам пачаць Новы Год з атмасфернай вандроўкі ў навагоднюю Гародню з гісторыкам, музейшчыкам ды экскрусаводам Паўлам Каралёвым. Пакуль нам недасягальная калядная Вільня, святочная калядная амасфера Гародні зможа нас троху суцешыць.
Здаўна Гародню называюць "каралеўскім горадам". З гэтым месцам звязаны імёны князя Вітаўта і Стэфана Баторыя, Напалеона Орды і Святога Казіміра. Уладзімір Караткевіч не выпадкова назваў свой твор "Хрыстос прызямліўся ў Гародні". Гэта адзін з нямногіх гарадоў які захаваў свой каларыт, старую забудову.
У лістападзе пасля спрэчнай рэстаўрацыі у Гародні адкрыўся наноў музей у Старым Замку, прапануем разам пабачыць яго на свае вочы.
Падчас вандроўкі мы пабачым таксама:
- велічны фарны касцёл;
- самую старую у Беларусі дзеючую аптэку;
- наведаем Барыса-глебскую Каложскую царкву 12 ст.;
- ўбачым адноўленыя лютэранскую кірху і харальную сінагогу.
- паглядзім помнікі Антонію Тызенгаўзу, Жыліберу.
- пачуем легенды пра падземныя хады Гародні і многія іншыя цікавосткі.
Не прамінем пабачыць іншыя храмы і манастыры.
А напрыканцы мы завітаем у госці да гарадзенскага краязнаўца ды экскурсавода Ігара Лапехі, які стварыў Grodno Mini - нясумны музей гісторыі архітэктуры Гародні. Зараз у музеі адкрытая экспазіцыя «Брамы Гарадзенскія» — унікальны, створаны ўласнаручна макет гістарычнага цэнтра гораду, што з'яўляецца ўвасабленнем Гародні ва ўсім багацці і прыгажосці яго архітэктуры. Замест лекцыі наведнікам прапануецца захапляльны 20-хвілінны светла-музычны пэрфоманс па матывах падзеяў з гісторыі Гародні, пасля якога ўжо можна будзе нязмушана пасумовіцца з абазнаным краязнаўцам, задаць яму пытанні
Таксама будзе вольны час, каб адчуць атмасферу святочнай Гародні, пашпацыраваць па старых вулках ды пасядзець ва ўтульнай кавярні.
Унёскі на вандроўку з экскурсіяй, наведваннем Старога Замку, сінагогі ды прыватанага музею Grodno Mini - 65 бел. руб. - наяўнымі ў аўтобусе. Пры жаданні дадаткова аплачваецца абед.
Запіс праз гэтую гугл-форму! Перад вандроўкай будзе паведамленая больш падрабязная інфармацыя. Калі ласка, калі пакідаеце е-мэйл, правярайце тэчку спам, лепш пакідаць 2 кантакты. За дзень да вандроўкі абавязкова пацвердзіць свой удзел!
Выезд у 7-30, вяртанне прыкладна а 23-й. Вандроўка плануецца на вялікім аўтобусе, які апрацоўваецца адмысловым антысептычным сродкам, абавязкова апранаць маскі, асабліва ў музеі ды іншых памяшканнях.
Уся дадатковая інфармацыя: 8-044-5386283 (Валерыя), 8-025-5458430 (viber), @liusterka (telergam), а таксама праз е-mail:
bielkultura@gmail.com.