Гэта анкета Міжнароднага камітэта па расследаванні катаванняў у Беларусі — 2020 для збору фактаў і доказаў пра катаванні ў дачыненні да людзей, пацярпелых падчас пратэстаў.
Міжнародны камітэт па расследаванні катаванняў — гэта сумесная ініцыятыва праваабарончых арганізацый з Беларусі і іншых краінаў. Мы ведаем, як цяжка сёння ахвярам катаванняў і не хочам, каб людзі праходзілі шматлікія апытанні. Мы працуем з сярэдзіны жніўня, аднак прымяненне сілы да людзей працягваецца. Нашая мэта — сабраць як мага больш фактаў і доказаў таго, што адбылося, каб вінаватыя былі прыцягнутыя да адказнасці.
Запаўняючы анкету, вы згаджаецеся на збор і апрацоўку персанальных дадзеных нашым Камітэтам. Мы цэнім вашую прыватнасць і не перадаем гэтую інфармацыю трэцім асобам.
Уся інфармацыя абароненая і захоўваецца не ў Беларусі.