Samgöngu- og sveitarstjórnarráðuneytið og Samtök sveitarfélaga á höfuðborgarsvæðinu bjóða til rafræns samráðsfundar um stöðu samgöngumála á höfuðborgarsvæðinu föstudaginn 9. apríl kl. 9:00-11:00. Á fundinum verður fjallað um samgöngumál á svæðinu, helstu áskoranir og tækifæri til framfara. Boðið verður upp á fjölbreytta dagskrá með erindum og umræðum í minni hópum. Fundurinn er hluti af fundaröð um allt land í tilefni af undirbúningi grænbókar um stöðu samgöngumála.

09:00-10:00 - Erindi

- Davíð Þorláksson, framkvæmdastjóri Betri samgangna ohf.
- Katrín Atladóttir, borgarfulltrúi í Reykjavík
- Jón Kjartan Ágústsson, svæðisskipulagsstjóri höfuðborgarsvæðisins
- Dr. Hrund Ólöf Andradóttir, prófessor við Háskóla Íslands

10:00-11:00 - Umræður
Fundargestum skipt upp í umræðuhópa sem fjalla um einstök viðfangsefni.
Hver hópur kynnir niðurstöður sínar stuttlega í lok fundar.

Skráningu lýkur kl. 17:00 fimmtudaginn 8. apríl. Þeir sem skrá sig fá hlekk á veffundinn.