РАЖМ Лулуди во периодот април-мај 2020 организира онлајн предавања за сите жени и млади, со цел подобрување на квалитетот на слободното време поминато дома. Со ова сакаме да поттикнеме дека едукацијата е секогаш потребна,  дури и во време на пандемија.
Нашата иницијатива се реализира благодарение на добиената поддршка од страна на нашите досегашни соработници, кои несебично се пријавија да одржат предавања без никаков надомест! Благодариме на нивната поддршка!
Останете дома, почитувај ги препораките од институциите и едуцирајте се! 💻

⚠️ Предавањата се одвиваат онлајн преку апликацијата ZOOM. Сите кои ќе се пријават ќе добијат мејл со линк на кој ќе можат да го следат предавањето.

📌 Тема на предавањето: „Чекори во процесот на јавното застапување“
📌 Предавач: Силхан Саитов.
📌 Времетраење на предавањето: 60 минути
📌 Предавањето ќе се одвива на македонски јазик.

Повеќе за темата:
Што е застапување? За што служи јавното застапување и што може да се постигне со ефективно застапување? Кој е процесот на јавно застапување? Во ова предавање ќе имате можност подобро да се запознаете со значењето на поимот јавно застапување, за што служи јавното застапување и каде се може да се применува. Воедно, преку интерактивен пристап и практични примери ќе имате можност да ги сознаете алатките и чекорите за ефективно планирање на јавно застапување.

Заедно учиме, се информираме и активираме!  Пополнете го формуларот и обезбедете си место!