Беларускі Дом у Варшаве прадстаўляе магчымасці бясплатных індывідуальных псіхалагічных кансультацый для рэпрэсаваных беларусак і беларусаў.

Запрашаем звяртацца па дапамогу асобаў, якія адчуваюць траўму пасля затрыманняў і вымушанага пераезду ў Польшчу, палітвязняў, а таксама іх родных і блізкіх.

ВАЖНА! Кансультацыі псіхолага прадстаўляюцца выключна асобам, якія маюць дакументальныя пацверджанні рэпрэсій (напрыклад, пратаколы затрыманняў або ператрусаў, медычныя даведкі аб фактах збіцця, дакументы аб штрафах, павесткі ў суд ці спасылкі ў СМІ).

Колькасць сэсій вызначае псіхолаг падчас першай кансультацыі. Лічба месцаў абмежаваная. Сустрэчы будуць адбывацца ў сядзібе «Беларускага Дома» па адрасе вул. Крынічная, 6 у Варшаве.

З вамі будзе працаваць Наталля Цынкевіч — дыпламаваны псіхолаг. Наталля дапамагае людзям пражываць крызісныя моманты ў жыцці, эміграцыю і адаптацыю ў новай краіне. Працуе з посттраўматычным стрэсавым расстройствам (ПТСР), дэпрэсіўнымі станамі, страхамі, трывожнасцю, стратай матывацыі і сэнсаў. Карыстаецца метадамі крызіснага кансультавання, КПТ, ЭФТ, арт-тэрапіі, МАК (метафарычныя асацыятыўныя карты).

Каб пакінуць заяўку на дапамогу, неабходна запоўніць анкету ніжэй. 

Мы трымаем сувязь выключна праз email. Калі ў вас узніклі пытанні, калі ласка, звяртайцеся на repressions@belaruskidom.eu.