Ein hagekonsert med Hilde Selvikvåg er som ein vanleg konsert der publikum kjøpar billettar.

Det unike er at han føregår i publikum sine hagar, og at det er hageeigar som bestemmer kven som får koma på konserten. På denne måten får du skapa ei personleg konsertoppleving.

Billettar:
Me lagar ei billettside for konserten i din hage. Du kan dela linken til denne sida med alle du vil at skal koma på konserten. Billettsida vil ikkje vera synleg for andre enn dei som har fått tilsendt linken. Alle som er på konserten (inkludert deg og familien din) kjøpar ein billett kvar.

Pris:

Enkeltbillett: 495 kroner
Barn under 10 år går gratis.

Garanti:
For at me skal kunna gjennomføra hagekonsertane treng me ein garanti for at det blir seld 30 billettar på konserten din. Det betyr at dersom det er mindre enn 30 betalande publikummarar i din hage, må du sjølv betala resten av billettane. Me håpar du vil vera med på å samla så mange som mogleg i din hage til årets hageeventyr! Alle billettinntekter går til Hilde Selvikvåg.

Konsertlengde:

75 minutt utan pause

Rigging av hage:

Hilde Selvikvåg sitt ansvar: Me kjem med alt som trengst av lyd og scene for å gjennomføra konserten. Scenen er 3x3 meter. Me har med oss telt til scenen om det skulle bli regn. Me brukar cirka to timar på rigging og lydsjekk før konserten.
Hageeigar sitt ansvar: Du gjer hagen klar for å ta i mot publikum, og varslar naboar i god tid før konserten. Du vel sjølv om du vil pynta noko ekstra eller servera mat. Du stiller med to personar som kan hjelpa til med å bera lydutstyr. Du sørger for sitteplassar til publikum, eller ber dei ta med eigen stol eller sitteunderlag. Dersom du ønsker at publikum skal sitta tørt, må du ordna dette. Nokre har løer, garasjer, eit overbygg eller partytelt tilgjengeleg, andre kler seg berre etter veret. Gildt blir det uansett.

Dato:
Hilde Selvikvåg skal på hageturne i juni 2024. Dersom din hage blir plukka ut blir du ein del av turneen. Dei som blir plukka ut får tildelt ein dato som passar inn i reiseruta. Dersom datoen ikkje passar for deg, vil datoen bli gitt til nokon andre. Om du ikkje får tildelt dato i første runde vil me setta deg på venteliste i det aktuelle området og kontakta deg om nokon får ein dato som ikkje passar. Uansett vil du høyra frå oss.

Klokkeslett:

Klokkeslettet for hagekonserten er fleksibelt. Me blir einige om dette saman.