O ESCORNABOIS EN GALICIA. Aproximación ao coñecemento da nosa relación histórica e lingüística coa especie. ©Pablo Torrella (2019)
Esta enquisa forma parte dun traballo que servirá para coñecer a nosa relación xeográfica, histórica e lingüística co escornabois (tamén coñecido en galego entre outros nomes como "vacaloura"; en castelán: "ciervo volante").
Cos seus resultados, pretendo achegar ao coñecemento popular que se ten desta especie en Galicia, pois as historias transmitidas oralmente forman parte do noso patrimonio inmaterial e cómpre recuperar este tipo de información para que non quede esquecida nin se perda.
Por favor, se vostede coñece este tipo de historias relacionadas co escornabois, agradecemos que as comparta, pois formará parte do traballo resultante. Se vostede o considera, poderá quedar recollido o seu aporte no correspondente apartado de "Colaboracións" (se é así, indique un nome e un apelido logo de cubrir as preguntas 7 e 8).
A enquisa consta dun total de 17 preguntas. É totalmente anónima, aínda que por cuestións concluíntes, haberá algunhas preguntas relacionadas co lugar e localidade de orixe dos seus comentarios, así como sobre a súa idade aproximada ou o seu sexo, únicamente co fin de segregar as diferentes opinións en relación a estes datos.
Aínda que a enquisa está pensada para que non dure máis de 3 minutos, pregamos se tome o seu tempo e conteste ás preguntas con tranquilidade.
Non se trata dun traballo dirixido a realizar ningún tipo de denuncia nin protección directa da especie obxecto do estudo.
Os datos resultantes, formarán parte dun traballo sobre a nosa relación histórica coa especie.
De querer completar ou participar en maior medida coa súa colaboración, ao final da enquisa figura o nome do administrador/autor e o contacto electrónico ao que dirixir para calquera dúbida.
Moitas grazas pola súa participación. Sen dúbida, servirá para coñecer mellor a nosa relación con esta singular especie.