Мотивирани од недостигот на заедници коишто ги спојуваат младите креативни и претприемачки умови, пред речиси три години се основа Стартап Клуб Скопје.
Целта на постоењето ваков клуб е да се креира заедница за сите млади кои имаат иновативни стартап идеи, да се вмрежат со луѓето од стартап и бизнис сферата и да се креираат можности за понатамошен развој и имплементирање на нивните идеи.
Стартап Клуб Скопје е прв
централен претприемачки хаб на нашите простори што нуди поддршка низ целиот развоен процес на иновативните претприемачки проекти кој вклучува менторирање од искусни претприемачи, вмрежување, решавање на инвестициските прашања итн. Едноставно кажано,
СКС е местото за реализирање на сечија стартап идеја!
Целта на нашата инкубаторска програма "Програма #ИмамИдеја" е да го поддржи развојот на иновативни бизнис идеи и да им обезбеди потребна поддршка на младите претприемачи со ресурси и обуки за успешно отпочнување и развивање на своите стартапи.
🚀 Каква можност ви нудиме? За 10те најдобри бизнис идеи:
📌 Тримесечна инкубаторска програма во вредност од 5.000 евра.
📌 Интензивна обука и поддршка од ментори, успешни Македонски стартапи и врвни експерти.
📌 Преку програмата, имате можност да го презентирате вашиот стартап пред инвеститори, бизнис ангели и компании.
За да се квалификувате за учество во инкубаторската програма, кандидатите ќе бидат оценети според следните критериуми:
- Капацитет на проектниот тим
- Потенцијал на пазарот
- Степен на иновативност
Рокот за аплицирање е до 15 јануари 2024 до 15:00 ч.