Oyunun qaydaları:
1) Oyuna telefon, planşet və ya komputerinizdən daxil ola bilərsiniz.
2) Oyun zamanı komanda yoldaşlarınızla istənilən formada (zəng, videozəng və s.) müzakirə edə bilərsiniz.
3) Qeydiyyatdan linkindən keçən komandalara oyun günü 2 link
göndəriləcək. Biri kapitan üçün, digəri isə komandanın oyunçuları.
4) Kapitana göndərilmiş linkə kapitan onun üçün müəyyən edilmiş login və parolla daxil olacaq.Yalnız kapitana göndərilən linkdə cavab vermə funksiyası olur. Onu da qeyd edək ki, kapitanlar üçün olan linkə yalnız bir nəfər daxil ola bilir, əks halda komandanız yarışdan kənarlaşdırılacaq. Bu səbəbdən kapitan seçimində internet bağlantısı və s. kimi amilləri nəzərə alın.
5) Kapitanlara göndərilmiş oyunçu linkini isə komanda yoldaşlarınızla paylaşmağınız tələb olunur. Həmin linkə daxil olanda heç bir login və parola ehtiyac yoxdur.
6) Bütün komandalar qeydiyyatdan keçdikdən sonra daxil olduğunuz linkdə ekranda qaydalar bölməsi görünəcək, sonrasında isə yarışın ilk sualı ekranınıza çıxacaq.
7) Suallar ekrana çıxdıqdan sonra oxumanız üçün vaxt verilir, bir neçə saniyə sonra isə taymer işə düşəcək. Hər komandanın cavab vermək üçün 1 dəq vaxtı olacaq.
8) İlk 15 saniyə ərzində cavab vermiş komandalar əlavə reytinq xalı qazanacaq. Oyun sonunda düzgün cavab sayı bərabər olduqda reytinq xalına nəzər yetiriləcək.
9) Oyunda yalnız cari UNEC tələbələrinin iştirakı nəzərdə tutulub. Qeydiyyatdan keçdiyiniz siyahıdakı adlar araşdırılacaq və qalib olduğunuz təqdirdə mükafat həmin tələbələrə veriləcək.
10) Komandaların heyətində 6 nəfərin iştirakı nəzərdə tutulub, heyətdə dəyişiklik olduğu təqdirdə qeydiyyatın bitməsindən əvvəl xəbər verməyiniz tələb olunur.
11) Oyun sistemi haqqında ətraflı məlumatı aşağıdakı videoya daxil olub əldə edə bilərsiniz.
Qeyd: Qeydiyyat linkindəki bütün bölmələri tələb olunan şəkildə doldurduğunuza nəzər yetirin, mail ünvanınızı və nömrənizi düzgün daxil etməyə diqqət edin, çünki oyun günü kapitanlara bu vasitələrlə linklər göndəriləcək.
