TEMBANG MACAPAT
Tembang macapat yaiku salah sijine asil kasustraan Jawa kang isih lestari lan diuri-uri tumekane saiki.
Tembang macapat wujude rerakitan basa kang endah, kang macane kanthi cara ditembangake.
Wujude tembang macapat kaiket tata aturan baku, yaiku: guru gatra, guru wilangan, lan guru lagu/swara.
Tata paugerane tembang macapat iku ana 3, yaiku:
1. Guru gatra : cacahing gatra/ larik saben sapada/bait
2. Guru wilangan : cacahing wanda/ suku kata saben sagatra
3. Guru lagu/ swara : dhong-dhing/ tibanimg swara (vokal0 ing saben pungkasane gatra.
Tuladha:
Bener luput ala becik lawan begja
Cilaka mapan saking,
Ing badan priyangga,
Dudu saka wong liya,
Pramila den ngati-ati,
Sakeh dirgama,
Singgahana den iling.
a. Guru gatrane = 7
b. Guru wilangane = 12, 7, 6, 7, 8, 5, 7
c. Guru lagune = a, i, a, a, i, a, i
d. Arane = tembang Durma