"Өөрчлөлтийн төлөөх ИНБ-ууд" хөтөлбөрийн бүртгэлийн хуудас
Каритас Чех Репаблик байгууллагын хэрэгжүүлж буй “Монгол улс дахь хуванцар хог хаягдлын дахин боловсруулалтын тогтвортой байдлыг хангах” төслийн хүрээнд Булган аймагт ИНБ-уудын чадавхыг дээшлүүлэх сургалтыг 2022 оны 3-р сарын 15, 16-ны өдрүүдэд зохион байгуулах гэж байна.
Сургалтын зорилго
Байгаль орчин, тогтвортой хог хаягдлын менежментийн чиглэлээр орон нутагт үйл ажиллагаа явуулдаг ИНБ-уудад үйл ажиллагаагаа өргөжүүлэхэд нь туслах мэдлэгийг олгож, чадавхыг дээшлүүлэх замаар уг салбарт тогтвортой үйл ажиллагаа явуулахад дэмжлэг үзүүлэхэд оршино.
Хэн оролцох боломжтой вэ?
- Булган аймагт үйл ажиллагаа явуулж буй,
- Хог хаягдлын менежментийг хэрэгжүүлэх, энэ чиглэлээр олон нийтэд мэдлэг олгох үйл ажиллагаа явуулдаг болон явуулах сонирхолтой,
- 2 өдрийн сургалтад бүрэн хамрагдах боломжтой,
- Цаашид чадавхаа дээшлүүлж, хөгжих эрмэлзэлтэй иргэний нийгмийн байгууллагын төлөөлөл
Сургалтад хамрагдсанаар:
- Иргэний нийгмийн байгууллагын суурь чадавхыг дээшлүүлэх болон тогтвортой хог хаягдлын менежментийн чиглэлээр үйл ажиллагаа явуулахад дэмжлэг үзүүлэхэд чиглэсэн сургалтад үнэ төлбөргүй хамрагдаж салбарын манлайлагчдаас суралцаж, туршлага солилцох боломж
- Хөтөлбөрөөс суралцсан мэдлэгээ цаашдын үйл ажиллагаандаа ашиглахтай холбоотой зөвлөмж, дэмжлэг авах
Сургалтын сэдвүүд:
1. Тогтвортой хог хаягдлын менежмент, хог хаягдал дахин боловсруулах салбарын өнөөгийн байдал, ирээдүйн чиг хандлага, уг салбарт ИНБ-ын оролцоо
2. Монгол улсын хог хаягдлын менежментийн эрх зүйн орчин, тэдгээрийн хэрэгжилт, сайжруулалтад ИНБ-ууд хяналт тавих боломж
3. Төсөл, хөтөлбөр боловсруулахад шаардагдах суурь ойлголт, үр дүнтэй төсөл бичих, тайлагнах сайн туршлага
4. Төслийн санхүүгийн менежмент