РТБД запрашае ў новы сезон майстэрні “Гуляем у тэатр”!
“Гуляем у тэатр” — гэта творчая тэатральная пляцоўка для дзяцей і падлеткаў ад 6 да 18 гадоў, дзе ўдзельнікі знаёмяцца з тэатральнай магіей і раскрываюць сябе з дапамогай гульні ў тэатр. На пряцягу XXXI сезона РТБД стаў для дзяцей месцам, дзе можна не проста ўбачыць цікавыя і захапляльныя гісторыі на сцэне, але і самому стаць стваральнікамі міні-спектаклей. Месцам, поўным дабразычлівасці і цеплыні, месцам, дзе нараджаецца сапраўднае сяброўства і рэалізуюцца яскравыя ідэі. У новым сезоне колькасць груп і ўзрост удзельнікаў пашырыліся, цяпер прыняць удзел у майстэрні змогуць і дзеці, і падлеткі. Выкладчыкамі майстэрні з’яўляюцца акцёры РТБД!
У праграме творчай майстэрні:
•
Майстар-класы па акцёрскім майстэрстве;
•
Заняткі па сцэнічным маўленні і пластыцы;
•
Гульнявыя трэнінгі, якія развіваюць памяць, увагу, уяўленне і фантазію;
•
Арт-тэрапія;
•
Эстэтычнае выхаванне, чытанне літаратуры, навучанне прыгожаму і трапнаму валоданню беларускай мовай, вывучэнне гісторыі тэатра;
• Пастаноўка спектаклей.
Мы дапамагаем кожнаму дзіцяці праявіць сябе, раскрыць свой творчы патэнцыял, не баяцца выступаць на публіцы.
Умовы:
•
Да ўдзелу ў праекце запрашаюцца дзеці і падлеткі ад 6 да 18 гадоў;
•
Досвед і ўменні не маюць значэння;
•
Заняткі праводзяцца ў групах 10-15 чалавек 1 раз на тыдзень (групы фарміруюцца ў залежнасці ад узросту і пажаданняў);
• Кошт 1 сустрэчы (2 гадзіны) – 40 р.
Набор адбываецца з
31 жніўня па 30 верасня 2023 года. Каб падаць заяўку на ўдзел ў майстэрні неабходна запоўніць рэгістрацыйную форму.
Пытанні можна задаць па нумары тэлефона: +375445342722 (Надзея Цвяткова)
Далучайцеся да нашай творчай майстэрні!
