Te Rumaki o Te Waitītiko
E rua ngā akomanga o Te Rumaki Reo o Te Waitītiko kei te taumata 1, arā, te taumata rumaki ngā ākonga. Ka whakatau te tumuaki me te poari i te tapeke o ngā tamariki i ia tau. Ka kore te tapeke o ngā ākonga e hipa i te 45. Ka uia ngā kaitono katoa e ngā kaiako Rumaki kia aromatawaihia te taumata o te reo Māori.
Ka hāngai te rēhitatanga o ngā kaitono ki ngā whakaarotau e whai ake nei:
Whakaarotau Tuatahi - Me hāngai te taumata reo Māori ki te taumata o te akomanga, arā, te rumaki - taumata tahi ka aromatawaihia e te kura. Ka inehia te reo o te taumata o te reo mā te whakamahi i tētahi āwhata i te 0 ki te 5. Ko te kaitono ka 0 te taumata te kaitono kāore ōna reo Māori, ā, ko te 5 te kaitono kei ngā taumata tiketike o te reo
Whakaarotau Tuarua - Ngā tēina, ngā tuāhine, ngā tungāne rānei o ngā tauira o nāianei, ngā raukura anō hoki
Whakaarotau Tuatoru - Ngā ākonga kua kore e iti iho i te 2 tau i tētahi o ngā akomanga reo Māori i Te Rehu, i Ritimana, i Waiatarau, i Te Kura a Rito o Newton, hei wāhanga o Te Kāhui o Te Waitematā, kua whakatutuki rānei i tētahi tau i te hōtaka reo i Te Waitītiko
Whakaarotau Tuawhā - Tētahi o ngā tamariki a ngā kaiako o te kura, a ngā mema rānei o te poari
Whakaarotau Tuarima - Kua whai wāhi ngā tamariki ki ngā rumaki nō kura kē atu i aua kura kua tohua kētia
Ko te tuatahi o Hepetema 2021, ā te 3.00 pm, te wā kati mō ngā tono rumaki. Whai muri i tēnei, ka whakapā atu mātou ki ngā whānau kia whakaritea he wā uiui kia aromatawaihia te reo Māori o te ākonga. Ka whakamōhio atu ki ngā kaitono te whakataunga o te tono ā te Paraire, te 17 o Hepetema.