«Ջինիշյան» հիշատակի հիմնադրամը HSBC Հայաստան բանկի համաֆինանսավորմամբ իրականացնում է «Ջերմոցային տնտեսությամբ զբաղվող ֆերմերների հմտությունների բարելավում արդյունավետ և նորարարական ջերմոցային կառավարման նպատակով» ծրագիրը:
Ծրագրի շրջանակներում հիմնադրամը նպատակ ունի ստեղծել հնարավորություններ մարզային ջերմոցային տնտեսությամբ զբաղվող ֆերմերներին բարելավելու իրենց ջերմոցների արդյունավետությունն ու շահութաբերությունը՝ տրամադրելով նրանց գիտելիքներ ու հմտություններ նոր մեթոդների և առաջադեմ տեխնոլոգիաների վերաբերյալ, ինչպես նաև տրամադրել ֆինանսավորում պետական սուբսիդավորման հետ մեկտեղ՝ անհրաժեշտ ներդրումների համար:
Ծրագիրն ուղղված է ՀՀ մարզերում բնակվող բոլոր այն ֆերմերներին, ովքեր.
- ցանկանում են զբաղվել ջերմոցային տնտեսությամբ
- արդեն իսկ ունեն փոքր ջերմոցային տնտեսություն (մինչև 1000 քմ տարածքով)
Ծրագիրը բաղկացած է լինելու հետևյալ փուլերից`
ՓՈՒԼ 1. Դիմորդների ընտրության փուլ
ՓՈՒԼ 2. Մասնակցություն տեխնիկական գիտելիքների և հմտությունների ձևավորման դասընթացների
ՓՈՒԼ 3. Բիզնես մոդելավորման դասընթացներ՝ ջերմոցային տնտեսությունների զարգացման ուղղվածությամբ
ՓՈՒԼ 4. Ֆինանսավորում՝ արտոնյալ վարկերի տրամադրման միջոցով (պետական սուբսիդավորման հետ մեկտեղ)
ՓՈՒԼ 5. Շարունակական (առավելագույնը 5 տարի) աջակցություն՝ ֆինանսավորում ստացած ֆերմերներին, որն ուղղորդվում է փորձառու ձեռներեցների, բիզնես խորհրդատուների, նեղ փորձագետների և այլ մասնագետների աջակցությամբ:
Ծրագրին մասնակցությունն ԱՆՎՃԱՐ է։
Հայտերի լրացման վերջնաժամկետն է 2022 թ-ի նոյեմբերի 15-ը։
