Вітаем!
Запрашаем прыяднацца да заняткаў "Мова Нанова" у сераду 3 чэрвеня ў 18.30.
Гэтым разам будзем гутарыць пра вёску, блізкую і далёкую. Большасць з нас можа распавесці пра традыцыйны травеньскі вясковы адпачынак з пасадкай бульбы ці прынамсі прыгадаць, як здорава было ў дзяцінстве прыязджаць у вёску да бабулі з дзядуляй. Але якая сучасная беларуская вёска насамрэч? Калі бываць у ёй не наездамі па выходных і не ўспамінамі "аб тым, што было", а жыць у ёй на 100%?
У госці да нас завітюць Сяргей і Наста Дабравольскія. Гэта маладая сям'я, якая жыве ў вёсцы Казіміраўка на Гомельшчыне. Прычым жыве з асалодай і піша пра свой побыт і заняткі на старонцы Творчая майстэрня "ЖЫВОЕ"
https://www.instagram.com/tm_zhivoe/ Госці распавядуць пра гісторыю свайго пераезда ў вёску, пра выклікі і перавагі вясковага жыцця, пра ўзаемадзеянне з мясцовымі жыхарамі, пра тое, чым можна займацца ў вёсцы і як забяспечваць сваё жыццё.
Тэма "вёска vs горад" тычыцца большасці з нас. Спадзяемся, што заўтра зможам пагутарыць пра сучасную беларускую вёску без стэрэатыпаў і штампаў, падзяліцца сваім досведам і назіраннямі, пачуць сведчанні тых, хто ў вёсцы жыве, і задаць ім хвалюючыя пытанні.
Мы сустракаемся ў зуме. Неяк нас атакавалі боты, таму зараз пытаемся у наведвальнікаў кантактную інфармацыю і дасылаем спасылачку на заняткі ў асабіста