16 кастрычніка (пятніца)
15.45 - 16.45
Зал 2

Колькасць месцаў абмежаваная.

Беларуская паэзія на рускай мове жыве, выходзіць да публікі ў выглядзе выступленняў асобных аўтараў, зборнікаў вершаў. Яна даказала сваё права на існаванне, паказала свой адметны голас і гучанне ў многім дзякуючы паэту Дзмітрыю Строцаву і яго маштабнаму, шматаспектнаму літаратурнаму праекту «Мінская школа». Хросны бацька многіх маладых рускамоўных беларускіх аўтараў, Дзмірый яркі перфомер, густоўны творца і, безумоўна, значная і знакавая фігура сучаснага літаратурнага працэсу. Ён выдаў дзевяць уласных кніг паэзіі, зараз у Кіеве рыхтуецца да выхаду дзясятая – на чатырох мовах, дзе пад адной вокладкай будуць сабраныя тэксты пра Беларусь і Украіну.

Строцаў – адметная постаць, якая яднае. Свайго настаўніка, сябра на вечарыне падтрымаюць творцы Надзея Кахновіч, Вольга Маркітантава, Кацярына Русакевіч, Мікалай Рамановіч, Таццяна Светашова.