Ապրիլի 5-ին Երևանում կանցկացվի «Բացահայտելով թվային ապագան» խորագրով առաջին Doing Digital Forum-ը, որի հիմնադիրն ու կազմակերպիչը SPRING PR ընկերությունն է, համակազմակերպիչը՝ Ամերիաբանկը: Միջոցառման նպատակն է ներկայացնել թվային փոխակերպման վերջին միտումներն ու լավագույն փորձը, համաշխարհային տեխնոլոգիական և բիզնես հանրույթի շրջանում Հայաստանը դիրքավորել որպես թվային փոխակերպման նոր հարթակ՝ նպաստելով երկրի մրցունակության բարձրացմանը:
Ֆորումին ընդառաջ կանցկացվի երկօրյա դասընթաց մեդիայի համար՝ «Թվային փոխակերպումն ու ռազմավարական հաղորդակցությունը» թեմայով։
Դասընթացը տեղի կունենա մարտի 30-31-ին՝ 18:30-21:00-ը, Կամար բիզնես կենտրոնի 6-րդ հարկում (հասցե՝ Վազգեն Սարգսյան 2):