Dende a Programación Expandida TRCDanza organizamos, como vén sendo habitual, un taller de público(s) da man da investigadora e xestora cultural Sabela Mendoza e da artista e coordinadora do programa Caterina Varela.
​
O obxectivo é compartir e conversar sobre as distintas derivas que emerxen no campo da danza e da creación contemporánea, acompañando a programación anual do ciclo TRC Danza 2021. Un convite a todas as persoas interesadas no campo da danza e da creación contemporánea, curiosas de ampliar a súa mirada dende unha posición de espectadoras activas.
​
Acompañando a tempada de outono TRC Danza 2021 é que emplazamos esta segunda parte do taller de público(s), valéndonos dos distintos artistas convidados ao programa. Artistas e obras que serven como puntos guía do mapa no que debuxar a ruta a camiñar durante o transcurso do taller. A presenza no noso teatro de creadoras e creadores como Kirenia Danza, La Intrusa, Sharon Fridman, Raquel Klein ou Thomas Noone entre os meses de setembro e decembro, son un motivo marabilloso para tecer e destecer o que as súas obras provocan no outro.

Continuamos dando pasos adiante cara á consolidación dun público cada vez máis comprometido co que acontece no teatro da nosa cidade. Un teatro que se recoñece como propio.

> CANDO E ONDE
 
> mércores 6 de outubro de 19 a 21 horas
> mércores 20 de outubro de 19 a 21 horas
> mércores 10 de novembro de 19 a 21 horas
> mércores 1 de decembro de 19 a 21 horas


> Na Sala Xan Eirís do Teatro Rosalía de Castro
> Rúa Riego de Agua, 37, 15003, A Coruña