Tamos nun momentu históricu decisivu por cuenta de les nueves agresiones coles que'l Gobiernu del Estáu y, en concretu, el Ministeriu d'Igualdá, entamen anular los derechos de les muyeres. Entá güei, la impunidá de la violencia machista, la mercantilización, esplotación y cosificación de les muyeres, les lleis de “identidá de xéneru”, la intromisión de les relixones na vida social, la feminización de la probeza y de los cuidos y la falta de reconocencia de les muyeres siguen siendo espresiones de la nuesa opresión. Prímennos pol fechu de nacer muyeres.

CONSIDERANDO que l'Artículu 2 de la Declaración Universal de los Derechos Humanos establez que «Toa persona tien tolos derechos y llibertaes proclamaos nesta Declaración, ensin distinción dalguna de raza, color, sexu, idioma, relixón, opinión política o de cualesquier otra índole, orixe nacional o social, posición económica, nacencia o cualesquier otra condición».

Y CONSTATANDO que, énte la meyora de la llucha feminista, tamos sufriendo xuna reacción del patriarcáu, entamada pol Gobiernu, los partíos políticos, los medios de comunicación y les instancies xudiciales;

NOSOTRES, les muyeres, como suxetu políticu del feminismu:

• DECIDIMOS que ye esixencia democrática que la llei protéxanos de manera efectiva frente a la violencia contra les muyeres en toles sos formes y manifestaciones. ESIXIMOS que se cumplan tolos convenios internacionales que tengan como oxetu frenar el terrorismu machista.

• DECIDIMOS que nun se debe mercadear coles muyeres porque nun somos oxetos. ESIXIMOS una lexislación integral para l'abolición de la prostitución, qu'hai de considerase legalmente como violación a pagu; que s'establezan alcuerdos internacionales para escorrer y acabar coles redes esclavistes de tráficu de persones con fines d'esplotación sexual, del qu'el nuesu país ye ruta d'entrada, consumidor y destín para'l turismu sexual.

• DECIDIMOS que, sabiendo que la pornografía ye la escuela de la violación, ten de ser prohibida. ESIXIMOS que se desenvuelvan lexislaciones para la so persecución y erradicación.

• DECIDIMOS que nun vamos permanecer impasibles énte la inacción del Gobiernu pa la prohibición de la esplotación reproductiva de les muyeres y la compra de ñácaros. ESIXIMOS la derogación del art. 10.3 de la llei de Técniques de Reproducción Humana Asistida por que naide pueda reclamar la filiación de paternidá d'una criatura nacida d'esplotación reproductiva y l'anulación de la instrucción 2010 que dexa'l fraude de llei nel estranxeru.

• DECIDIMOS que nun pueden ser lexitimaes como técniques de reproducción asistida aquelles práctiques qu'esploten a les muyeres, como la estracción d'óvulos para terceros o los tresplantes d'úteros de muyeres vives. ESIXIMOS la prohibición d'estes práctiques y de la so publicidá.

• DECIDIMOS que nun se puede tolerar que los sesgos y estereotipos patriarcales y androcéntricos afecten a la ciencia, a la investigación y al tratamientu sanitariu de les muyeres. ESIXIMOS que s'acabe coles desigualdaes en salú de les muyeres, cola violencia médica y obstétrica, y cola lexislación llaboral discriminatoria qu'afecta anguaño la salú de les muyeres trabayadores.

• DECIDIMOS que los procesos sexual y reproductivu de les muyeres tienen de ser reconocíos na so particularidá. ESIXIMOS que se dixebre la baxa médica para la recuperación post-partu del permisu de maternidá. ESIXIMOS tamién que se garantice'l derechu a exercer la interrupción voluntaria del embaranzu na sanidá pública en tol territoriu estatal.

• DECIDIMOS qu'esti país tien la obligación d'escuchar a la razón crítica del feminismu y parar y derogar toa lexislación qu'ampare'l xéneru como identidá, borrando a les muyeres como suxetu políticu. DECIDIMOS tamién que nun se debe llexislar sobro auto identificaciones suxetives: faelo convierte n'irrelevantes les polítiques públiques pa la igualdá efectiva ente muyeres y homes. ESIXIMOS que los deseos individuales o sentimientos nun prevalezan sobro los derechos de les muyeres.

• DECIDIMOS que el costumes culturales y les relixones NUNCA tienen de tar percima de los derechos humanos. ESIXIMOS que tou tipu d'espaciu públicu sía laicu, reclamamos, poro, que sían delitu aquelles práctiques que, encontándose en el costume o relixón, suponen un acabamientu para la llibertá ya integridá física y moral de neñes y muyeres.

• DECIDIMOS qu'Europa tien que ser una zona d'acoyida segura para muyeres y neñes migrantes. ESIXIMOS al Parlamentu Européu y al Gobiernu d'España una lexislación migratoria que nun atente contra los derechos humanos.

• DECIDIMOS que los trabayos imprescindibles para la vida cotidiana y los cuidos tienen de ser una responsabilidá social del Estáu. ESIXIMOS que NON se nos adscriban n'esclusiva les xeres y trabayos, que, a pesar de ser fundamentales, nun cunten con nengún prestíu, reconocencia social nin económica.

• DECIDIMOS que'l tiempu de les persones tien de ser la exa central de les polítiques de corresponsabilidad social, una y bones el sistema actual ye incompatible cola vida. ESIXIMOS que'l tiempu de trabayu sía subsidiario del tiempu de vida de les persones. ESIXIMOS tamién la revisión fonda del sistema de contrataciónque produz trabayos precarios, especialmente de la xornada parcial que se adscribe casi unilateralmente a les muyeres.

• DECIDIMOS poner fin a l'alianza criminal ente patriarcáu y capital que feminiza los empleos más precarios, discrimínanos salarialmente y tórganos el desenvolvimientu profesional; que, amás, causa que suframos xuna mayor tasa de desempléu y probeza que nos conderga, por ser muyeres, a ser más vulnerables a los desahucios, a la esplotación y a la mercantilización neolliberal de les nueses vides. ESIXIMOS empleos, salarios y pensiones dignes; y que la llei y la xusticia escuerran la opresión llaboral y salarial por razón de sexu, ensin esceiciones, como la que sufren por decretu les trabayadores doméstiques, y denunciamos la creciente privatización de los servicios públicos, qu'afecta especialmente a les muyeres.

• DECIDIMOS qu'esti país ta en delda cola memoria histórica de les muyeres; el nuesu talentu y la nuesa hestoria tienen de tar presentes nel espediente y currículum escolar y académicu. ESIXIMOS al Gobiernu y al Estáu polítiques qu'aseguren la conocencia y reconocencia de les aportaciones que les muyeres y el Movimientu Feminista fixeron a lo llargo de la hestoria en tolos ámbitos.

• DECIDIMOS que nun ye tolerable en democracia la neolengua que borra a les muyeres: si nos borren como muyeres, bórrennos como ciudadanes. ESIXIMOS que nun sían utilizaos términos como “proxenitor gestante”, “persona menstruante”, “vaginoportantes”, “cis-muyeres”, “muyeres non trans”, “maternidá subrogada”,“trabayadores sexuales”...


ALVERTIMOS que:
• Nun vamos dexar que se sigan frayando los nuesos derechos.
• Nun vamos aceptar que se señale como delitu d'odiu'l pensamientu críticu feminista cuando denuncien fobies inesistentes.
• Vais Oyer les nueses voces en tolos espacios sociales y de participación política. Nun volveremos votar a nengún partíu que nun lluche por estos principios.
• Nun vamos tolerar nes escueles la introducción de teoríes acientífiques que pretenden borrar el sexu al empar qu'intensifiquen los estereotipos de xéneru.
• Vamos Lluchar na cai hasta que consigamos los nuesos oxetivos.

Vais tenenos de frente porque LA FUERZA DE LES MUYERES YE EL FUTURU DE TOES.

 VOLVER PA FIRMAR: https://forms.gle/DdEkN9kwuGuBMjfVA