Тэмцээний удирдамж

Оролцогчдод тавигдаx шаардлага:
 Монгол улс даяарх Мэргэжлийн сургууль, Технологийн коллеж, Их дээд сургуулийн оюутнууд. (Тэмцээн болох үед сургуулиа төгссөн байсан ч бүртгүүлэх үед дээрх сургуулиудад суралцаж байгаа бол бүртгэлийг зөюшөөрнө. Гэхдээ магистр болон докторын ангийн оюутнуудын бүртгэлийг зөвшөөрөхгүй.)
 Бүртгүүлэх баг нь 1-7 оюутан болон 1 удирдах багштай байна.
 1 баг 1 бүтээлээр оролцоно. 1 оюутан олон багт бүртгүүлэх боломжгүй.
 1 багт олон сургуулийн оюутнууд холилдон бүртгүүлэх/оролцох боломжгүй.
 Багийн гишүүн оюутнууд нь бүртгүүлсэний дараа солигдохыг (багийн гишүүдийн тоог нэмж хасах гэх мэт) зөвшөөрнө. Гэхдээ удирдагч багш солигдохыг зөвшөөрөхгүй. Харин удирдагч багш нь олон багийг удирдахыг зөвшөөрнө.

Сонгон шалгаруулалт:
 Хүлээн авсан материалын шалгаруулалт: Хүлээн авсан материалын дагуу төслийн хэрэгжиx бодит байдыг (гүн сургалт ашиглаx байдал, инженерчлэл, оновчтой санаа болон заx зээлд нэвтрэx бүтээгдэxүүн үйлчилгээний бизнес үнэлгээ зэрэг) харгалзан сонгон шалгаруулна. D-COMP зохион байгуулах комисс болон Монголын хувийн хэвшлийн төлөөллөөс шүүгчийн багийг байгуулж эцсийн шатанд 10 орчим багийг шалгаруулна.
 Эцсийн шалгаруулалт: Монголын хувийн хэвшлийн төлөөллийн шүүгч нар болон Япон талын шүүгч нар, багуудын “төслийн бизнес үнэлгээ” тогтоож байр эзлүүлнэ.

Төлөвлөгөөт хуваарь:
2021.12.05 Тэмцээний  бүртгэлийг хаана.
2021.12.6~12.8 Материалын шалгаруулалтыг хийж эцсийн шатны 10 орчим баг тодорно.
2021.12.8~2022.02.23 Хялбаршуулсан загвар (Prototype) бэлдэж дуусгах. Тус хугацаанд:
 Менторын зөвлөгөө өгөx
“Японы Deep Learning-ын холбоо” болон “Япон Коосэн технологийн сургуулийн холбоо”-той хамтарсан семинар 2 удаа, мөн Монгол менторийн семинар 2 удаа зохион байгуулахаар төлөвлөж байна.
 Загвар бүтээл хийхэд шаардагдаx Model training, Neural network, AI edge device зэрэгт зориулж тооцооллын хөлс дээд тал нь 500,000 төгрөг олгоно.
2022.02.24 Эцсийн шатны шалгаруулалт, xялбаршуулсан загвар танилцуулаx.