អង្គការទិន្នន័យអំពីការអភិវឌ្ឍ និងអង្គការ Internews មានសេចក្តីសោមនស្សរីករាយ ក្នុងការប្រកាសពីវគ្គបណ្តុះបណ្តាលរយៈពេលបួនថ្ងៃ ស្តីអំពី “អក្ខរកម្មទិន្នន័យសម្រាប់អ្នកសារព័ត៌មាន” ។ វគ្គបណ្តុះបណ្តាលនេះរៀបចំឡើងក្នុងគោលបំណង ពង្រឹងចំណេះដឹង និងជំនាញរបស់អ្នកសារព័ត៌មាន ដើម្បីប្រើប្រាស់ទិន្នន័យក្នុងការសរសេរអត្ថបទសាច់រឿងដែលមានទម្ងន់ មានភាពច្បាស់លាស់ និងប្រកបដោយភាពទាក់ទាញ។ វគ្គបណ្តុះបណ្តាលនេះ ស្ថិតក្រោមគម្រោង «ការច្នៃប្រឌិតថ្មីសម្រាប់គណនេយ្យភាពសង្គមនៅកម្ពុជា» ដែលមានអូឌីស៊ី និងអង្គការសុខភាពគ្រួសារអន្តរជាតិ FHI360 ជាដៃគូអនុវត្តគម្រោង ក្រោមជំនួយថវិការរបស់មូលនិធិទីភ្នាក់ងារសហរដ្ឋអាមេរិកសម្រាប់ការអភិវឌ្ឍអន្តរជាតិ (USAID)។