1. Radio

Cornelius Dyck un Viktor Sawatzki von Radio Segenswelle ut Dietschlaunt woaren dise Grupp aunleiden. En dise Oabeitsgrupp vetal wie von daut Radio Natwoakj oppbuen un de Radio Progaumen derchtooabeiden. Deelnäma woaren lieren woo see äare Audios grawieren un beoabeiden kjennen. (Jeit jieda Dach wieda, 12. Juli - 13. Juli).

2. Äwasaten

Diedrich un Nettie Friesen von D’Friesens woaren dise Grupp aunleiden un vetalen woo see daut jedonen han. En dise Oabeitsgrupp vetal wie von woo wie Schreft Stekja äwasaten un waut de Jesatzen sent daut aunjenäm too doonen. Deelnäma woaren een Stekj äwasaten. (Aum 12. Juli).

3. Schriewa von ieeschtemma

Heinrich Siemens von Dietschlaunt woat dise Grupp leiden. En dise Obeitsgrupp kjikj wie enne Vegangenheit om dee ieeschtemmasche Schriewa kjannen too lieren. Deelnäma woaren vesiekjen eenje Schriewa äare Schreft too läsen un too vestonen. See woaren uk lieren woo wiet daut jekomen es met dee Plautdietsche Schriewwies. (Aum 13. Juli).

4. Norechten Toopstalen

Von Sigrid Eitzen jeleit, von ZP-30 La Voz del Chaco Paraguayo. En dise Oabeitsgrupp woaren Deelnäma lieren von woo see Norechten un Räd äwa de Loftwallen brinjen kjennen om daut Toohorcha daut uk vestonen un waut räakjnen. (Aum 12. Juli).

5. Schriewen

Jeleit von Irene Marsch, Schriewa von Manitoba Kanada. Deelnäma woaren doaräwa räden woo wichtich daut es, sikj selfst froagen ‚wäa sent miene Läsa, un dan bie eene Schriewwies bliewen. Daut Kopienracht beachten, un daut kloa en äarem Schriewen to vemoakjen. Toop woaren see eenen Schriewplon moaken, dee halpen kaun eenen Schriewprojakjt to errieekjen. Wieda rät see uk doaräwa woo wichtich daut Proowläsen es. (Aum 13. Juli).