Apirilaren
laugarren ostegunean ospatzen da IKTen alorreko nesken nazioarteko eguna eta
Garaia Parke Teknologikoak eta Mondragon Eskola Politeknikoak ospakizun hau
aitzakitzat hartuta, Euskal Herriko DBH eta batxilergoko ikasleei bideratutako
jardunaldi bat antolatu dute, ZTIMak (Zientzia teknologia, Ingenieritza eta
Matematikak) sustatzeko eta genero arrakala digitala murrizteko helburuarekin.
Hori dela eta, apirilaren 27an, Garaia Parke
Teknologikoko Udalaitz Auditorioan, goizeko 10:00-11:00 artean, IKTen alorreko
hainbat profesional elkartuko dira, beren egunerokotasuna gazteei gertutik
azaltzeko eta beren esperientzia partekatzeko prest.聽
Ikasleek online zein presentzialki jarraitu
ahal izango dute saioa. Bukatzean, Kahoot lehiaketa eta sari banaketa izango
dute.
Presentzialki ekitaldira bertaratuko direnak,
mahai-inguruaren ostean MGEPak antolatutako IKTen tailer batera joateko aukera
izango dute. Tailerreko parte-hartzea kopuruak pertsona muga bat izango du.