Сябры, прапануем вам у суботу 30 сакавіка далучыцца да сяброўскай вандроўкі па Віленшчыне "Не пакідайце ж мовы нашай беларускай, каб ня ўмёрлі!", прысьвечанай заснавальніку найноўшай беларускай літаратуры Францішку Багушэвічу.
Маршрут: Вільня - Немеж - Барэйкаўшчына - Рукойні - Савічуны - Сьвіраны - Меднікі - Вільня.
Днямі спаўняецца 184 гады з дня нараджэньня нашага знакамітага паэта, паўстанца, "адваката беднаты" Францішка Багушэвіча, чый запавет для беларусаў актуальны і да сёньня. А нарадзіўся ён былым фальварку Сьвіраны непадалёк ад Меднікаў, куды мы і плануем завітаць. Таксама мы заедзем да касьцёла у Рукойнях, дзе хрысьцілі малога Францішка Бенедыкта, і ў турыстычны цэнтр у Савічунах, дзе вісіць памятная шыльда паэту і сабраная ў ягоны гонар невялікая бібліятэка.
Не прамінем мы ўзгадаць і іншага нашага знакамітага паэта, драматурга, перакладчыка і краязнаўцу Уладзіслава Сыракомлю (Людвіка Кандратовіча). Наведаем ягоны музей у Барэйкаўшчыне, дзе захаваўся дом, арандаваны сямьёй паэта ў Бенедыкта Тышкевіча.
А яшчэ заедзем у Немеж з драўляным татарскім мячэтам ды знакаміты замак у Медніках.
Падчас вандроўкі мы даведаемся пра акалічнасьці жыцьця, дзейнасьці і творчасьці паэтаў, дазнаемся, што іх зьвязвае, пазнаёмімся зь іх сябрамы ды паплечнікамі, пачуем урыўкі іх вершаў.
Вандроўка плануецца на невялікім аўтобусе ў добрай кампаніі.
Выезд з Вільні ў 9-30 раніцы, вяртаньне недзе а 16-й.
Унёскі на вандроўку з уваходнымі квіткамі ў музей Сыракомлі ў Барэйкаўшчыне ды ў Медніцкі замак, з экскурсіямі там ды расповядамі па дарозе:
- 45 еўра для дарослых;
- 40 еўра для школьнікаў, студэнтаў і пенсіянераў (якія маюць адпаведныя пасьведчаньні);
Рэгістрацыя праз гэтую гугл-форму.
Далучайцеся!
Пытаньні па вандроўцы можна задаць праз тэлеграмы:
@LiusterkaVilnia
@PineBaltic