Boston Public Schools dizenvolvi un prugrama pa dipos di skola pa studantis na K-6 pa djudas na leitura i abilidadis di matimátika. Prugrma di Asilerason Akademiku ta ben da bu fidju(s) un speriensia akademiku riku undi ki es ta ben le livrus i diskuti asuntus inportanti rilasionadu ku speriensia akademiku, speriensia di guentis Pretu i Morenu na Merka i na mundu interu, i otus auntus kulturalmenti rilevanti sima justisa rasial.  Bu fidju(s) ta ben risebi tanbe suporti na matimátika i leitura, para len di STEM ô instruson na Artis. Instruson STEM podi inklui robotika, kriason di website, aplikativus i kriason di jogu, ô otus. ARTs podi inklui dansa i tiatru.  Keli e un prugrama di 15-simana pa studantis na klasi K-6.  Prugrama ta ben kumesa na 1 di Marsu i finda na 11 di Junhu.

Boston Public Schools ta ben kolabora ku parserus di Tenpu Fora-di-Skola pa rializa es prugrama na sidadi interu. Prugrama ta ben ser virtual a non ser ki bu fidju sta na un sentru di aprendizajen ki aprovadu pa risebi prugrama di Asilerason Akademiku.

Favor prenxi formulariu di interesi di baxu si bu kre pa bu fidju partisipa na prugramas di Asilerason Akademiku. Favor sabi** Intrega di un formulariu di interesi ka ta garanti un vaga na un di kes prugramas di Asilerason Akademiku. Prugramas ta ben kontinua ku mas informasons sobri rijistu.