BONEVET Gjakova hap thirrje për vullnetarë për Kampin Veror, i cili organizohet gjatë muajve korrik dhe gusht. 

Inkurajohen për aplikim nxënësit nga shkollat e mesme dhe studentët e universiteteve. Mosha minimale për aplikim është 15 vjeç.

BONEVET ofron një ambient pozitiv për punë, krahas ekipit me eksperiencë, i cili mundëson që kjo përvojë e punës për vullnetarët të jetë argëtuese dhe poashtu të ndikoj në zhvillimin e tyre profesional.

Kampet Verore organizohen çdo javë për gjithsej 7 javë, duke filluar nga data 3 korrik deri më 18 gusht 2023. Vullnetarët e përzgjedhur pritet të angazhohen në 3-4 javë gjatë kësaj periudhe.

Çfarë përfitojnë vullnetarët nga Kampi Veror në BONEVET Gjakova?

- Të gjitha orët vullnetare do të regjistrohen në platformën Kosovo Volunteers.
- Vullnetarët do të certifikohen dhe do të marrin referencë nga BONEVET për angazhimin dhe punën vullnetare.
- Eksperiencë në fushën e edukimit, teknologjisë dhe inovacionit, krahas ekipit të kualifikuar dhe profesional.
- Trajnim për përgatitjen e tyre në fushën e edukimit dhe vullnetarizmit.
- Vullnetarët potencial që tregojnë punë kualitative do të kenë mundësi punësimi në BONEVET Gjakova.
- Ushqimi, pijet dhe të tjera mbulohen nga BONEVET.
- Argëtim dhe angazhim komunitar.

Përshkrimi detyrave:

- Organizimi i hapësirës në përshtatje me aktivitetet ditore.
- Asistimi i mentorëve gjatë testimit të aktiviteteve.
- Përgatitja e materialeve dhe ambientit për zhvillimin e aktiviteteve.
- Pjesëmarrja në aktivitetet me fëmijë. 

Data e fundit për aplikim: 11 qershor 2023, ora 23:59.

Nëse keni problem me aplikimin apo ndonjë problem teknik, na shkruani në gjakova@bonevet.org.