Os diversos estudos elaborados desde a publicaçom do primeiro Mapa Sociolinguístico da Galiza, realizado pola Real Academia Galega em 1992, certificam umha caída constante de falantes.
O último informe da Real Academia Galega sobre a incidência do galego na infância debuxa um panorama demolidor. O 23,90% das pessoas menores de 15 anos residentes no país declaram nom saber falar em galego.
As meninhas e meninhos de hoje nom falam galego, restringido ao âmbito familiar, ausente nos joguetes, nos desenhos animados, nos meios de comunicaçom,....
Crianças e adolescentes galegofalantes sofrem umha "pressom desgaleguizadora" à hora de integrar-se no âmbito educativo, nom só dentro das aulas e com o professorado, senom também fora delas, ao relacionar-se com os seus companheiros e companheiras.
Estes dados antecipam umha perda progressiva do galego entre os/as falantes ao longo dos vindouros anos: isto é, a gente nova de hoje (maioritariamente espanholfalante) nom usará num futuro o galego com as novas gerações e a transmissom da língua perderá-se.
Mas ainda seguimos a ser multidom. Milhares as pessoas que reclamamos atençom em galego na sanidade, na justiça, na educaçom,...e esforçamo-nos cada dia para transmitir a língua própria. Somos galegas e estamos orgulhosas de sê-lo!.
É tempo de acordar e trabalhar juntas numha nova Galiza, orgulhosa de seu e afouta para o seu porvir. É por isto, que as entidades assinantes deste manifesto, somos conscientes de que a defesa da língua, nestes tempos cruciais, requer dum movimento social amplo para conformar a defesa do nosso. Por orgulho, pola nossa língua!.
Para trabalhar, jogar, aprender, para comunicar-nos com as quase 300 milhões de pessoas lusófonas do mundo,...Na nossa língua! Em galego!.
Por um futuro para a nossa língua: 1000 primaveras mais para a língua galega!!.
ASSINA O MANIFESTO E PARTICIPA DA RONDALHA POLA LÍNGUA o vindouro 16 de
maio às 20.00 desde a Praça da Peregrina (organiza o Centro Social A Pedreira).