Hvenær: 6. nóvember 2019 frá klukkan 8:30 - 12:00
Hvar: Hilton Reykjavík Nordica
Umboðsmaður barna og félagsmálaráðuneytið heldur vinnustofu um þátttöku barna í stefnumótun og ákvarðanatöku með einum helsta sérfræðingi samtímans Lauru Lundy prófessor við Queen‘s háskóla í Belfast, miðvikudaginn 6. nóvember n.k. Einnig heldur erindi á vinnustofunni sérfræðingur frá umboðsmanni barna á Írlandi Carmel Corrigan um reynslu Íra á þessu sviði en Írland samþykkti árið 2015 framsækna aðgerðaáætlun til fimm ára um samráð við börn.
Að erindum loknum verða umræður meðal þátttakenda þar sem þeim gefst kostur á að deila reynslu af farsælu samráði við börn eða koma með hugmyndir að því hvernig slíku samráði sé best háttað hjá stjórnvöldum, opinberum stofnunum og sveitarstjórnum.
Dagskrá:
08:30 Skráning
09:00 Ávarp Ásmundur Einar Daðason, félags- og barnamálaráðherra
09:10 Salvör Nordal, umboðsmaður barna, mótun aðgerðaráætlunar
09:20 Dr. Laura Lundy, prófessor við Queens háskóla í Belfast, Lundy módelið um þátttöku barna
10:00 Carmel Corrigan, sérfræðingur hjá umboðsmanni barna á Írlandi um aðgerðaráætlun Írlands
10:30 Kaffihlé
10:45 Eiður Axelsson Welding og Ísak Hugi Einarsson, fulltrúar ráðgjafarhóps umboðsmanns barna.
11:00 Umræður
12:00 Fundarlok
Kaffiveitingar í boði.
Vinnustofan er skipulögð í samvinnu við stýrihópa Stjórnarráðsins um mannréttindi og málefni barna. Hún er liður í mótun aðgerðaráætlunar um efnið en félags- og barnamálaráðherra fól umboðsmanni barna að vinna slíka áætlun með samningi sem gerður var í apríl s.l. Samningurinn byggir á samþykkt ríkisstjórnarinnar frá 1. mars s.l. þar sem segir „að stefnt verði að aukinni þátttöku barna og ungmenna í stefnumótun stjórnvalda sem og tillögu sem felur í sér að allar stærri ákvarðanatökur sem og lagafrumvörp skuli rýnd út frá áhrifum á stöðu og réttindi barna.“
Dr. Laura Lundy er prófessor í menntunarfræðum við Queens háskóla í Belfast á Norður-Írlandi. Hún er höfundur Lundy módelsins um þátttöku barna sem hefur haft mikil áhrif á stefnumótun á þessu sviði í Evrópu. Hún hefur birt fjölda greina og bóka um efnið. Hér má fræðast nánar um Dr. Lauru Lundy -
https://pure.qub.ac.uk/portal/en/persons/laura-lundy(78db8e68-97f3-49a0-9473-42b1bb6fefc9)/publications.html Carmel Corrigan er sérfræðingur í þátttöku barna hjá umboðsmanni barna á Írlandi.