Azərbaycan Respublikası Elm və Təhsil Nazirliyinin Təhsildə
inkişaf və innovasiyalar üzrə 6-cı qrant müsabiqəsi çərçivəsində qalib olan
“Qarabağın rəqəmsal müəllimləri: Google platformasının köməyilə kağızsız sinif
otaqlarının təşkili” layihəsinin seçim mərhələsinə start verilib.
Layihənin məqsədi “Google for education level 1” platforması
üzrə yeni bilik və bacarıqlar öyrətməklə rəqəmsal müəllimlərin yeni tədris alətlərini
tədris prosesində tətbiq etmələri ilə şagirdlər arasında rəqəmsal vətəndaşlığı
inkişaf etdirmək və gələcəkdəki qayıdış zamanı həmin ərazilərdə inşa olunan
ağıllı məktəblərə inteqrasiya prosesinin sürətləndirilməsinə yardımçı olmaqdır.
Layihə çərçivəsində hazırlıq işləri aparılıb və idarəetmə
komandası formalaşdırılıb. Daha sonra layihənin icrası ilə bağlı müvafiq əməkdaşlıqlar
qurulub. Müəyyən olunmuş kriteriyalara uyğun iştirakçılar müsahibəyə cəlb
olunacaqlar. Müsahibədən uğurla keçmiş 80 məktəbdən 160 iştirakçı seçilərək təlimlərə
dəvət olunacaqdır.
Qarabağ Regional Təhsil İdarəsinin 8 rayonu üzrə 160 nəfər seçilmiş
müəllim öz məktəblərində 15 müəllimə təlimlərdə öyrəndiklərini mentorluq edərək
“Gənc müəllim” platforması vasitəsilə öyrədəcəklər. Həmçinin təlimlərin sonunda
“Gənc müəllim” platforması üzərində qiymətləndirmə testini bitirərək sertifikat
əldə edə biləcəklər. Bununla yanaşı beynəlxalq dərəcəli sertifikat əldə etmək
üçün Google üzərindən imtahan verməklə əldə etmək imkanı olacaqdır.
Onu da qeyd edək ki, layihə çərçivəsində gənc müəllimlərin cəlb olunması, təlim
məzmununun hazırlanması və ekspertlərin təminində Azərbaycan Gənc Müəllimlər
Assosiasiyası ilə tərəfdaşlıq edəcək.
KİMLƏR İŞTİRAK EDƏ BİLƏR
• Hazırda ümumtəhsil müəssisələrində və universitetlərdə müəllim kimi 3 il pedaqoji təcrübəsi olan;
• Mentorluq fəaliyyətinə marağı olan və özünü bu istiqamətdə inkişaf etdirmək istəyən;
• WEB 2 alətlərindən istifadə bacarığı olan (burda hansı alətlərin olması nümunə kimi qeyd edilməlidir.);
• Onlayn platformalardan effektiv istifadə etməyi bacaran (MS Teams, G-suite, Zoom, Skype);
• Öz təcrübəsini, vaxtını digər həmkarının peşəkar inkişafı üçün bölüşməyə hazır olan;
Layihə sentyabrın 15-dən fevralın 15-dək davam edəcək.
Onu da qeyd edək ki, layihə çərçivəsində gənc müəllimlərin cəlb olunması, təlim məzmununun hazırlanması və ekspertlərin təminində Azərbaycan Gənc Müəllimlər Assosiasiyası ilə tərəfdaşlıq edəcək.
