Սոցիոլոգիական մեթոդները մասնակցային գնահատման մեջ | Գործնական դասընթաց
📣Հայտարարություն
📌«Ամերիկյան գրադարան և դասընթացների կենտրոն»-ում 2021 թ․-ի հունիսի 18-ին և 19-ին անվճար հիմունքներով կազմակերպվում է «Սոցիոլոգիական մեթոդները մասնակցային գնահատման մեջ» գործնական դասընթաց։
Դասընթացի նպատակը՝ մասնակիցներին փոխանցել բազային գիտելիքներ սոցիոլոգիական հետազոտության մեթոդների վերաբերյալ, ձևավորել մասնակցային գնահատում իրականացնելու գործնական հմտություններ՝ սոցիոլոգիական մեթոդների կիրառմամբ:
Դասընթացի ավարտին մասնակիցները՝
• կստանան գիտելիքներ սոցիոլոգիական հետազոտությունների նպատակների և խնդիրների սահմանման վերաբերյալ,
• կստանան գիտելիքներ սոցիոլոգիական հետազոտությունների տարբեր մոտեցումների և մեթոդաբանությունների վերաբերյալ, այդ թվում մասնակցային գնահատման վերաբերյալ,
• պատկերացում կկազմեն սոցիոլոգիական հետազոտությունների իրականացման փուլերի վերաբերյալ, այդ թվում պլանավորման, իրականացման, որակի վերահսկման, ինչպես նաև հետազոտություններում էթիկական սկզբունքների վերաբերյալ,
• կկարողանան պլանավորել և իրականացնել հետազոտություններ՝ մասնագիտական աջակցության միջոցով:
❓Դասընթացին կարող են դիմել՝
18 և բարձր տարիքի անձինք, ովքեր բնակվում են Տավուշի մարզում։
Դասընթացը նախատեսված է բոլոր այն մարդկանց համար, որոնք իրենց գործունեության մեջ նախատեսում են իրականացնել կամ համակարգել հետազոտություններ, գնահատումներ, դասընթացին կարող են մասնակցել նաև ուսանողներ:
Դասընթացի տևողությունը՝ 16 ժամ։
Դասընթացը բաղկացած է 2 մոդուլից՝
Մոդուլ I. Սոցիոլոգիական հետազոտությունների ներածություն
Մոդուլ II.Սոցիոլոգիական հետազոտությունները պրակտիկայում
❗️Գրանցման վերջնաժամկետն է 2021 թ. հունիսի 14-ը, ժամը 18:00:
✅Դասընթացի վերջում հավաստագիր կստանան միայն ամբողջական մասնակցություն ցուցաբերած մասնակիցները:
ℹ️Դասընթացը կվարի Կրթական հետազոտությունների և խորհրդատվությունների կենտրոնի հիմնադիր տնօրեն Մարինա Գալստյանը: Մարինան սոցիոլոգիական, կրթական հետազոտությունների մշակման և իրականացման ավելի քան 12 տարվա փորձ ունի: Մարինան Եվրոպական սոցիոլոգիական ասոցիացիայի անդամ է:
Դասընթացից հետո մասնակիցները կստանան մասնագիտական խորհրդատվություն՝ գործնական աշխատանքների ընթացքում: