Formar parte da Asociación Veciñal de Canido supón apoiar ao barrio, fomentar a realización de actividades de dinamización, reivindicativas e de mellora da calidade de vida das persoas que habitamos este lugar. Un lugar moi especial, que conserva a súa identidade propia, ao tempo que acolle a novos veciños e veciñas. Ademais, grazas ás cotas, mantemos un servizo de Enfermaría e outro de Atención ao Público a diario, así como a realización de actividades regulares e puntuais para todo tipo de públicos.