ઘણા સમય પછી માણસે કાંઈક શોધ્યું જેથી દુનિયાની વાહનવ્યવહારની પદ્ધતિમાં પરિવર્તન આવ્યું . તે એક પૈડું ( ચક્ર ) હતું . હા,  એ જ પૈડું કે જે તમે બળદગાડામાં , સાઈકલમાં બસમાં અને આગગાડીમાં જુઓ છો . આજે આપણને એ એવી સામાન્ય વસ્તુ લાગે છે કે એ એક મહાન શોધ હોય તેમ કોઈ માનવા તૈયાર નથી . પણ આ નાની વસ્તુ બનાવવામાં અને તેની ઉપયોગિતા સમજવામાં માણસને ઘણો સમય લાગ્યો હતો . પહેલા ભારે વજન ઉપાડવા માટે માણસો કે પ્રાણીઓનો ઉપયોગ થતો હતો . તમે કલ્પના જરૂર કરી શકો છો કે એ કેટલું મુશ્કેલ હતું પછીથી કોઈકને સમજાયું કે સપાટ વસ્તુ કરતાં ગોળાકાર વસ્તુ વધુ ઝડપથી ખસે છે . સૌથી પહેલું બળદગડું એક લાકડાના ટુકડામાં ગોળાકાર લાકડાના ટુકડાઓ જોડયા હોય તેવું દેખાયું હશે . આપણા જીવનમાંથી પૈડાને દૂર કરવાનો અર્થ એ થાય કે આખી સંસ્કૃતિ થંભાવી  દીધી.

બર્બરિકના અવસાનથી સૌ સ્તબ્ધ થઈ ગયા હતા . પાંડવો શોકમાં ડુબી ગયા . ઘટોત્કચ બેહોશ થઈને પડયો હતો . એ સમયે ત્યાં ૧૪ દેવીઓનું આગમન થયું . તેમણે એ સમયે ઘટોત્કચ અને પાંડવોને જણાવ્યું કે બર્બરિક એના આગળના જન્મમાં સૂર્યવર્ચા નામનો યક્ષ હતો . દેવો , બ્રહ્માજીની સાથે જયારે પૃથ્વીનો ભાર ઉતારવા માટે પર્વત પર ભગવાન નારાયણની સ્તુતિ કરી રહ્યા હતા ત્યારે અભિમાનથી એ યક્ષે કહ્યું કે “ પૃથ્વીનો ભાર તો હું જ દૂર કરીશ ” એના આ અભિમાનના લીધે બ્રહ્માજીએ ગુસ્સામાં આવીને શાપ આપ્યો કે ભૂમિનો ભાર દૂર કરવાના સમયે ભગવાન તારો વધ કરશે . બ્રહ્માજીના એ શાપને સત્ય કરવા માટેજ  ભગવાન શ્રી કૃષ્ણ ચંદ્ર એ બર્બરિકનો વધ કર્યો છે .