O Concello de Arteixo celebrará unha FEIRA DE COMERCIO e FEIRA DE OPORTUNIDADES a primeira fin de semana de outubro: venres 1, sábado 2 e domingo 3 de outubro de 2021. A Feira terá lugar en stands de tipo jaima de 5x5 metros, na Explanada das Festas. O Arteixo Centro Comercial Aberto colabora na organización desta actividade.
Poden participar na Feira de Oportunidades TODOS OS COMERCIOS DO CONCELLO DE ARTEIXO (persoas físicas ou xurídicas, en cumprimento de toda a normativa vixente do sector), que se inscriban dentro do prazo e cumpran cos compromisos establecidos nas presentes bases de participación.
O Concello de Arteixo reserva o dereito de interpretación das presentes bases así como de rexeitar aquelas inscricións que ao seu criterio non se axusten á finalidade da Feira, ao contido das presentes bases ou que poidan interferir no normal desenvolvemento do evento.
No caso de que as solicitudes de participación superen os stands dispoñibles utilizarase como criterio de selección o orde de inscrición, excluíndo os últimos inscritos e deixándoos en listaxe de espera no caso de renuncia ou modificación do espazo.
DATAS E HORARIOS
VENRES 1 de outubro de 2021, de 17 a 21 horas
SÁBADO 2, de 10 a 21 horas
DOMINGO 3, de 11 a 20.30 horas
A apertura e atención do stand é OBRIGATORIO NA TOTALIDADE DOS DÍAS E HORARIOS establecidos.
PRAZO e LUGAR DE INSCRIPCIÓN
Os interesados en participar en calquera das 2 feiras deberán cubrir e enviar o formulario web de inscrición do 13 ao 16 de SETEMBRO de 2021.
Consulta todas as bases na páxina do Concello de Arteixo
www.arteixo.org ou na do Arteixo CCA,
www.ccaarteixo.com