Ved å fylle ut dette skjemaet melder du på deltakar i FRIKAR-Akademiet sine barne- og ungdomstreningar. Dette er tidene og prisane:
- Dans og akrobatikk 3-5 år (inkl siste barnehageår): Måndagar kl 17-1740. Pris: 1500 kr for 13 treningar.
- Akrobatikk og halling 1.-4. klasse: Måndagar kl 1750-1835. Pris 2000 kr for 13 treningar.
- Akrobatikk og kampleik 5. klasse +: Måndagar 1845-1940. Pris 2000 kr for 13 treningar.
- Sirkus og vertikal dans: Måndagar 1950-2045. Pris 2000 kr for 13 treningar.
Det er ei uforpliktande prøvetrening i starten av året. Ved andre gongs oppmøte påløper heile semesteravgifta, utan unntak.
Det er 13 treningar pr semester, som medfører nokre få friveker i forhold til skuleruta. Me startar opp 22. aug. 7. november og 28. november er det ikkje trening. Planlagt juleavslutning er 5. desember. Treningane fylgjer feriene til skuleruta.
Søskenmoderasjon er 30% avslag for den yngste deltakaren i familien. Me har også 30% avslag på tilbod nr 2 for deltakarar som går på fleire kurs, men ikkje både søskenmoderasjon og fleirkursmoderasjon for same deltaker. Ein må fylle ut skjemaet på ny pr unge.
Me sender faktura på epost.
Utfylling av dette skjemaet er ei forutsetning for deltaking, og er grunnlaget for all kommunikasjon på e-post og sms. Ved tekniske problem avtal tid for hjelp ved utfylling før oppstart av deltakar.
Ang tryggleik
Instruktørane våre er erfarne med risikoførebygging. Akrobatikk medfører alltid meir risiko enn å sita stille. Typiske situasjonar som kan skapa uhell:
- Fleire hoppar på trampolina samstundes og krasjar. Tiltak: Regel om kun ein om gongen.
- Ungar krasjar medan dei hoppar på airtracken. Tiltak: Køsystem eller oppdeling i grupper.
For å unngå unødvendig risiko forventar me disiplin av ungane ved å forhalde seg til reglane våre. Foreldre kan gjerne snakke med deltakar om kvifor det er viktig å høyre på instruktør og fylgje reglane (blant anna for å unngå å krasje med andre). Me ynskjer at foreldre som leverer og hentar kjem inn i foajeen til FRIKAR-SMIA slik at det er lettare å kommunisere. Me ynskjer at det er minst ein foreldre med bil tilstades i foajeen. Ved eventuelle uhell som krev skyss til legevakt kan treninga halde fram ved at foreldre køyrer på legevakt. Ved alvorlege uhell tilkallar me ambulanse.
FRIKAR-Akademiet har sidan 2009 samarbeidd med profesjonelle tryggleiksteknikarar. Opphengspunkt for luftakrobatikk i FRIKAR-SMIA er utrekna av Byggteknikk Valdres og utført av Sanne Hauglid as. Me går over utstyret til kvar sesong for å kvalitetssikre.
FRIKAR-Akademiet arbeider for eit trygt miljø i kvalitetssikra fascilitetar. Ved å fylle ut dette skjemaet samtykker du på at FRIKAR-Akademiet ikkje er juridisk ansvarleg for eventuelle skader som deltakar skulle pådratt seg under trening i FRIKAR-Akademiet sin regi.
Beste helsing
Hallgrim Hansegård
FRIKAR-Akademiet
47611547