Asal Usulipun Rawa Pening

Ngasem menika nami dhusun ingkang kalebet wewengkon Kecamatan Ambarawa, Kabupaten Semarang. Kacariyos ing ngasem wonten padhepokan kondhong. Sedaya puthut lan endhang sebatan kangge murid jaler lan estri sami mongkong manahipun pikantuk tuladha saking guru ingkang asma Ki Ajar Salokantara. Ki Ajar kagungan budi wicaksana dene muridipun nami Ni Endhang Ariwulan ingkang ayu.

Satunggaling dinten Ni Endhang bingung pados peso/lading ingkang biyasanipun kangge nyigar jambe ingkang badhe dipuncawisaken kangge sesajen wayah dalu. Kanthi ati kapeksa, piyambakipun matur dhateng Ki Ajar supados ngatos-atos lan sampun ngantos peso kaselehaken ing pakon. Nanging Ni Endhang kesupen. Peso kaselehaken wonten pangkonipun. Sanalika peso ical. Ni Endhang ngadhep Ki Ajar rumaos lepat, nanging ingkang dipunlapuri boten duka.

Sawetawis dinten, Ngasem geger amargi Ni Endhang Ariwulan nggarbeni. Ki Ajar Salokantora lajeng dhawuh Ni Endhang ngadhep. Ki Ajar badhe tapa brata ing Redi Telamaya lan maringi piranti wujud gentha utawa klinthingan ingkang badhe migunani kangge jabang bayi.