Të nderuar studentë,
Agjencia e Kosovës për Akreditim (AKA) është duke zhvilluar një anketë e cila ka për qëllim të hulumtojë aspekte dhe perceptime të ndryshme që kanë të bëjnë me angazhimin e studentëve në sigurimin e cilësisë në Kosovë, duke përfshirë të kuptuarit e terminologjisë dhe proceseve specifike të sigurimit të cilësisë, vetëdijesimin e studentëve dhe të kuptuarit e tyre lidhur me mënyrat e përfshirjes në sigurimin e cilësisë, si dhe nivelin e përfshirjes që studentët dëshirojnë ta kenë në proceset e sigurimit të cilësisë. Qëllimi kryesor i projektit është të rrisë angazhimin e studentëve në sigurimin e brendshëm dhe të jashtëm të cilësisë në Kosovë.
Duke plotësuar këtë anketë, ju do të pajtoheni me përpunimin dhe publikimin e rezultateve të anketës, duke mbrojtur plotësisht anonimitetin tuaj.
Për të arritur objektivat e projektit, ju lutemi na ndihmoni duke dhënë mendimin dhe përshtypjet e juaja në lidhje me pyetjet në vijim.
Faleminderit!