大家好，又係我連登社工，今次又嚟招巴打踢波。
講一講背景先
過去我已經喺高登同連登攪咗六年足球隊，你無睇錯，係六年喇！
過去一直都攪得唔錯，我地又有比賽又整咗波衫同定時定侯都出黎踢波，我地亦請左教練培訓，所以各巴打都好開心，口啤都好好。
咁多年加埋有份一齊開心踢嘅高登連登仔都超過一百人，係超過一百人！
點解會攪足球隊？
因為過去每次有人招踢波，話就話要新手，但出黎個個都係c7 美斯，最後就踢走新手
但我可以肯定同大家講，我管理既球隊係絕對唔容許亦無可能出現咁既情況
大家都係新手，踢得麻麻地，而且致在做運動練下波
總之無壓力，但要係守紀律同我所定既規矩
（至少大家都開心左咁多年踢波，證明隊波真係正常架）
如果大家唔介意我社工攪呢隊波，即管填表，我會再個別搵你傾傾
過往每次填表都好多人填，但我地人數有限，所以唔能夠每人都踢到 （但會一直開放）
點解又重新招多次？
人係會成長，年紀都會大，生活都開始多嘢做
好多巴打要返工返學好busy參與唔到而離開
所以都係時侯重新招募
同樣地，今次隊波會更有系統同更有組織咁經營
由於太多人報名，我都有條件揀選
1. 24歲或以下
2. 自問真係踢波屎，平時好孤獨無野做 又搵唔到人踢波...
我地多數星期一至六，揀一日黎踢 (視乎有冇場) 希望至少一個月踢1、2次
疫情影響下，之前停左好耐
呢家重新組返隊波，黎緊22號已經有場有得踢。
暫時我地多數7點-9點 地點再睇返各巴打地點再決定
有興趣填表先
https://forms.gle/Aj38WG82suX5uEFM9
收集個人資料聲明：
你提供之個人資料將用作參與活動的相關用途、簽發收據、收集意見、資料分析，及其他配合本會宗旨及使命的事項。
