Å gå spor er noko av det kjekkaste som finnes for både hund og eigar. Nyttig er det og.

Når hunden sporer får den brukt den fenomenale luktesansen sin = fornøgd hund.
Sidan hunden går spor i line, kan me trene sjølv om det er bandtvang.
Ein kan gå spor berre for å ha det kjekt saman med hunden, eller trene mot konkurranse.
Det to vanlegaste konkurranseformene er blodsporprøve og brukshundprøve.  

Målet med kurset er:
- At du som er fersk med sportrening kan starte å trene på best mogleg måte
- At du som har trent litt spor skal få nye tankar og idear til å utvikle hund og førar

Denne teorien kan nyttast uansett om målet er menneskespor/brukshundprøve eller blodspor/blodsporprøve.

I samband med kurset vert det oppretta ei facebookgruppe der kursdeltakarane får oppgåver, får tilgang til videoar, bloggar, linker; og deltakarane kan legge ut videoar og legge ut spørsmål til Inger. Det er også eit mål at folk gjerne går sammen og trener spor i etterkant av teorien, men dette vert i alt vesentleg utan instruktør.

Eksempel på kva som vert gjennomgått:
- Korleis starte treninga - type spor, alder på sporet, sporstart/påsett, korleis belønne sporet
- Kva utstyr treng ein?
- På kva underlag bør ein starte å trene?
- Føraren - korleis bruke lina, lese hunden, hjelpe hunden og ikkje minst stole på hunden
- Korleis jobbe med for stor fart, for høg nase, går ut i vinklar, tapsarbeid osv.
- Korleis gjera sporet vanskelegare for hunden? Sporoppsøk.
- Korleis legge eit treningsspor eller eit konkurransespor. 

Krav til forkunnskap hjå førar:
- Absolutt ingen! Du er like velkommen sjølv om du aldri har gått spor før eller du har konkurrert mykje.

Instruktør er Inger Handegård - kennel Desperado
- Inger er NKK trinn 2 instruktør (jakt)
- Ho har sidan 1978 ført fram/veileda 75 hundar av eige oppdrett til å bli viltsporchampions og 61 ettersøkshundar
- Ho har fleire gonger vore i finalen NM blodspor og har NM-sølv som beste resultat
- Ho har starta med 8 ulike hundar på bruksprøve - spor
- Ho har også gitt ut boka "Gå spor"

Maks tal deltakarar: Er ubegrensa då dette er eit teorikurs
Påmeldingsfrist: 1. april
Påmeldingsfristen er forlenga då me har minst 6 påmeldte alt 8. mars.

Stad: Gaupne - Lagshuset på Grandmo

Tid:
Torsdag 4 april klokka 18 til ca. 20.30
Torsdag 11 april klokka 18 til ca. 20.30

Pris:
Medlem i Luster hundeklubb: kr 600
Ikkje-medlem: kr 800
Påmeldinga er bindande. 

Du får informasjon om korleis du betaler m.m. på epost seinast etter første frist som er 22 mars. 

PS: Du som la spor, var medhjelpar på feltsøk, prøveleiar osv ved brukshundprøven LHK hadde hausten 2023, får kr. 100 i avslag på kurset.