【免費活動】「親密對談- 情聖Round 噏  」網上傾談節目

人生總會遇上關係上好多難關同挑戰, 親密頻道每年都會就唔同男女情感關係嘅題目去探討現代人對情感世界及親密關係嘅看法，拆解當中嘅情緒流動，梳理係關係中人嘅內心需要。
今年我哋再次以大家都關心嘅情感關係問題上，透過與唔同經歷同背景嘅朋友對話, 我哋同大家一起探索現代人嘅情感關係中嘅需要，或許當中你都唔難發現到自己嘅身影，誠邀大家一同來探索自己嘅情感親密國度。

日期：29/1/2023(日)（7-9pm）, 20/2/2023(一), 24/3/2023(五), 19/4/2023(三)
時間：7:30-9:30pm
對象：有興趣探索唔同情感關係嘅你
收費：免費
形式: 網上Zoom
主辦單位：明愛賽馬會婚姻培育計劃–親密頻道
 *可按興趣和時間選擇單次或多次節目
* 觀眾無需開鏡頭、咪

=====================================
1. 網上識人難搵真愛?「網戀」攻略及地雷你要知! (IC-230102) [已完結, 多謝大家支持!!] 
29/1/2023(日)

有時日常生活好難識到異性, 轉戰網上識人未嘗唔係一個好方法, 但要同一個素未謀面嘅陌生人建立關係有時真喺覺得好大挑戰...同異性網上初相識第一句應該點講先可以嘅對方心中留下好印象?同異性傾計、相處、發展唔想俾對方reject又有無秘訣? 終於約到見面, 但見完一次後就總喺無下文, 究竟衰邊範? 點樣可以引起異性對自己嘅興趣?一直相處又傾得幾好喎，咁我又點樣將哩段網上關係可以帶到現實, 發展成認真嘅情侶關係? 網上咩人都會遇到, 點樣可以避免成為渣男/渣女磁石? 呢一系列我哋會一一為你拆解 !

=====================================
2.異性間究竟有無純友誼? ( IC-230202)   [已完結, 多謝大家支持!!] 
 20/2/2023(一)

「男女間有無純友誼」一直都喺當代極大爭議嘅議題, 一直仍有好多人會問, 而答案永遠都好耐人尋味。當一個男與一個女喺關係上好close時, 但又一直只喺朋友嘅身份時, 唔知當事人及你自己又會點諗呢?  究竟「純」嘅標準係咩? 行為言語上有無啲客觀標準可以睇到? 男女對「純友誼」嘅定義有無不同? 純友誼會唔會隨著唔同年齡階段、唔同嘅情況下會有所改變? 「純友誼」嘅出現會唔會喺「Your Face Your Fate」 , 愈醜愈純?  會唔會喺追唔到對方就有後來「純友誼」喺出現 ? 究竟你諗嘅「純」只喺你自己咁諗定對方都喺咁諗先?
會唔會男女天生生理上嘅分別就已經決定咗唔會有「純友誼」嘅出現?
發現同異性朋友唔係「純友誼」嘅話, 自己或另一半就一定會出軌?
又或者如果我其實一直都唔想「純友誼」, 可以點樣突破與對方成為正式戀人?

 呢一切關於「純友誼」嘅迷思實在好令人困擾....咦...其實你問得「男女間有無純友誼」呢條問題時, 會唔會已經唔喺 「純友誼」.....?
當聽到有人好強調 「純友誼」時, 其實背後會唔會有咩特別原因?
歡迎大家正式走進 「純友誼」迷幻世界~

=====================================
3.閃婚VS愛情長跑? ( IC-230301)  [已完結, 多謝大家支持!!]
24/3/2023(五)

有人話閃婚嘅婚姻一定唔會長久, 識左咁短時間就結婚邊度穩陣㗎? 但愛情長跑先結婚又喺咪美滿婚姻嘅永久保證? 有人識左半年就結婚, 一直至今可以維持十年, 但亦有人同另一半拍拖長達十年後結婚, 點知結婚一年後卻離婚 。咁究竟時間喺咪一個步入結婚中最重要嘅因素? 定有其他因素先喺最重要? 究竟咩叫時間長, 咩叫時間短? 喺咪要了解一個人夠耐先可以結婚? 咁究竟要了解一個人啲咩, 要了解幾多先可以有信心去步入下一個人生階段? 拍拖拍得長, 喺咪下一個階段就一定要結婚呢? 點解自己明明好了解對方, 但要步入婚姻我就咁猶豫嘅, 究竟我猶豫緊啲咩?  面對各種愛情關口, 而你又會點選擇呢?  

=====================================
4.男女出軌大不同 ? ( IC-230401)  [ 現正接受報名!!] 
19/4/2023(五)

傳說中, 女人出軌通常都喺會番唔到轉頭, 而男人出軌只要太太肯俾機會就可以番轉頭。咁究竟男同女出軌有無分別呢? 大家各自又諗緊啲咩呢? 又據說, 男人可以只係下半身出軌 (肉體出軌), 而女士一出軌就一定係「全身」出軌 (肉體與情感出軌), 事實喺咪可以咁呢? 喺面對唔同關係上[例如召妓、一夜情、SP(Sex Partner) 、FWB ( Friends with benefits)、SL (Secret Lovers)], 男女喺咪又可以純粹肉體出軌, 而控制到情感唔出軌? 男女睇另一半行為有無出軌有無唔同? 男士可以同時愛上不同女人, 女士相對專一? 呢一集我哋分別從男女性嘅角度上一齊傾吓大家會點睇「出軌」,而大家嘅睇法又會唔會好唔同?