Universiteti Metropolitan Tirana në kuadër të një projekti të bashkëfinancuar nga Agjencia Universitare e Frankofonisë do të ofrojë “Kurset e sipërmarrjes sociale” përgjatë periudhës Mars-Maj 2022, në disa module.

Kurset do të organizohen në formën e leksioneve online, trajnimeve, videove, materialeve të shkruara të ndara me studentët si edhe aktiviteteve praktike. Pjesëmarrja do të jetë tërësisht falas dhe është e hapur për të gjithë studentët, startup-et e reja dhe të interesuarit në fushën e sipërmarrjes sociale.

Në fund të të gjitha moduleve studentët që ndjekin 95% të leksioneve do të pajisen me një certifikatë që vërteton njohuritë e tyre, nga UMT dhe AUF.