Í vetur er stefnt á að halda áfram að virkja þennan frábæra félagsskap sem eru þekktar undir nafninu Kjarnakonur/Töltslaufur í Fáki. Þetta verður sjötta árið sem hópurinn æfir saman.
Meginmarkmið hópsins er fyrst og fremst að efla félagstengsl kvenna innan Fáks, auka fjölbreytni í þjálfun og gleði. Það er stefnt á að bjóða annarsvegar uppá kennsluhóp (Kjarnakonur) og sýningarhóp (Töltslaufur).
Kjarnakonur: Kennsla, æfingar sem reyna á samhæfingu og fræðsla sem nýtist í almennum útreiðum/þjálfun. Tímarnir verða fjölbreyttir, t.d. stöðvaþjálfun, umhverfisþjálfun, parareið, einfaldari slaufuverkefni og leikir/þrautir sem hægt verður að framkvæma á tölti og jafnvel með tónlist. Það verða einnig undirbúningsæfingar sem fara fram í gegnum sýnikennslu, myndbönd eða með fyrirlestri í bóklegum tímum.
Töltslaufur: Hópur sem samanstendur af 20-24 stelpukonum sem vilja æfa krefjandi sýningaratriði. Í þessum hópi er gerð krafa um reynslu í töltslaufum, skuldbindingu, þjálan og öruggan hestakost og öruggan knapa. Markmiðið er að sýna vel þjálfað og öruggt sýningaratriði á stórsýningu Fáks.
Hóparnir æfa á fimmtudagskvöldum kl. 19:00 – 20:00 og 20:00 – 21:00 til skiptis. Tímarnir verða a.m.k. 10 talsins, en það má gera ráð fyrir auka æfingum á tímabilinu. Tímabilið verður janúar-apríl (hugsanlega byrjar í desember með bóklega kennslu/gönguæfingar).