កម្មវិធីបណ្ដុះធុរកិច្ចថ្មី សហគ្រិនក្នុងសហគមន៍កសិកម្ម ជំនាន់ទី២
ក្នុងដើមឆ្នាំ២០២១ CPSA បានទទួលការគាំទ្រ (ជំនួយថវិការ) រពី សហគ្រិនខែ្មរ តាមរយៈកិច្ចសហការជាដៃគូ ដើម្បីអនុវត្តកម្មវិធីបណ្ដុះធុរកិច្ចថ្មី “សហគ្រិនក្នុងសហគមន៍កសិកម្ម ”។ កម្មវិធី នេះមានរយៈពេល៣ឆ្នាំ ក្នុងគោលបំណង បង្កើតឧស្សាហកម្មកសិកម្មប្រកបដោយផលិតភាពខ្ពស់ និងមាននិរន្តភាព ដោយធ្វើការជាមួយក្រុមគោលដៅចំនួន២ រួមមាន (ក្រុម)យុវជន និង (ក្រុមសហគមន៍កសិកម្ម ) ។ គម្រោងនេះមានសមាសភាពសំខាន់ៗចំនួន២គឺ៖ ទី១ “ការបណ្តុះបណ្តាល ធុរកិច្ចថ្មី” ដែលយុវជន ត្រូវបានផ្តល់ការបណ្តុះបណ្តាលពីបច្ចេកទេសកសិកម្ម សហគ្រិនភាព និងជំនាញ ធុរកិច្ច ក្នុងរយៈពេល៤ខែ និង ទី២ “ការចុះកម្មសិក្សា” របស់និស្សិត រយៈពេលមួយឆ្នាំ នៅតាមសហគមន៍កសិកម្ម ក្នុងខេត្តគោលដៅដូចជា ខេត្តកំពង់ចាម និងខេត្តកំពង់ធំ ដើម្បីគាំទ្រកសិករ (ដែលជាសមាជិកសហគមន៍កសិម្ម) និងសហគមន៍ជនបទ ។
គម្រោងកំពុងធ្វើការជ្រើសរើសសហគ្រិន (យុវជន) កសិកម្ម ដើម្បីទទួលបានឱកាសបណ្តុះបណ្តាលក្នុងវគ្គបណ្តុះធុរកិច្ចថ្មី និង ការចុះកម្មសិក្សាជាមួយសហគមន៍កសិកម្ម។
