Hver eru sjónarmið þín um þróun byggðarinnar og viðhorf til verndar? Hvað veistu um húsin í bænum?
Ísafjarðarbær vinnur nú að því að hlutar af Neðstakaupstað og gamla bænum á Skutulsfjarðareyri verði gerð að verndarsvæði í byggð og í tilefni þess leitum við til íbúa og annarra áhugasamra. Ísfirðingar eru hvattir til þess að segja frá því sem þeir telja merkilegt við húsin í bænum.
Í þessari könnun er leitað sjónarmiða íbúa um framtíðarþróun byggðarinnar og viðhorf til verndar. Einnig er í könnuninni spurt að því hvort fólk búi yfir sérstökum upplýsingum um stök hús eða byggðina sem heild.
Hver bjó hvar og þetta gerðist þarna? Áhugavert er að fjalla um slíkar upplýsingar þegar saga húsanna er reifuð í húsakönnuninni sem nú er í vinnslu.
Munnlegar heimildir eru mikilvægar upplýsingar um sögu húsa. Frásagnir af íbúum og atburðum í ákveðnum húsum, hafa mikið gildi fyrir byggðasöguna okkar.
Eigendur húsanna í bænum eru því sérstaklega hvattir að taka þátt, því þeir búa oft yfir fágætum upplýsingum sem þeir hafa aflað sér, eða hefur verið gaukað að þeim í gegnum tíðina.
Svör úr könnuninni verða nýtt við gerð húsakönnunar og tillögu fyrir verndarsvæði í byggð. Könnunin er nafnlaus.
Takk fyrir að taka þátt!