Yeni mövsüm yeni liqa ilə qayıdır!

3, 10 və 17 sentyabr tarixlərində Bakı İntellekt Liqasının tarixindəki ilk Sentyabr seriyası üçün görüşəcəyik. "Nə? Harada? Nə zaman?" oyunu üzrə 3 turluq liqada iştirak 18 yaşdan yuxarı hər kəs üçün açıqdır. 3 turun sonunda reytinq sistemində ən yuxarı yerin sahibi olan komanda 300 manat dəyərində mükafat fonduna sahib çıxacaq!

İştirak şərtləri
- İştirak üçün komandanın heyətində minimum 4 nəfər olmalıdır. Heyətdə ehtiyat oyunçularla birlikdə maksimum 8 nəfər yer ala bilər, amma masa arxasında eyni anda maksimum 6 oyunçunun əyləşməsinə icazə verilir.
- İştirak haqqı hər komanda üçün 12₼ təşkil edir. Komandalar hər 3 turun iştirak haqqını öncədən ödədikləri təqdirdə masa seçimi hüququ əldə edirlər.
- Yarışın hər bir turunda maksimum 16 komanda iştirak edə bilər.

Yarış detalları
- Turların paketlərinin baş redaktorları Əhməd Əliyev və Nəriman Vəliyevdir.
- Turların hər biri AF City Hoteldə (Rəşid Behbudov, 55 ünvanında) baş tutacaq.
- Turların başlama saatı bir qayda olaraq 11:30dur.

Liqanın təşkilatçıları Xəzər İntellektual Gənclər Klubu və 3sual.az platforması, baş sponsoru isə "misli.az"dır.