N G GEMEENTE HELDERBERG
VRYWARING
Hiermee gee ek, _______________________________, in my hoedanigheid as natuurlike vader / moeder / wettige voog van
___________________________________(hierna genoem “die minderjarige”) toestemming dat die minderjarige die Graad 1-3 oorslaap mag bywoon wat gehou staan te word op die perseel van NG Helderberg, van 20 Oktober tot 21Oktober 2023.
Ek verklaar dat ek ten volle bewus is van die aard en omvang van die potensiële risiko's verbonde aan die deelname van die minderjarige aan die uitslaapaand.
Ek stem toe namens bogemelde minderjarige dat hy / sy aan gemelde bedrywighede mag deelneem, welke hy/sy vrywilliglik besluit het om aan deel te neem.
Ek verklaar voorts dat ek in my hoedanigheid as vader / moeder / wettige voog van die minderjarige vir die N G Kerk Helderberg vrywaar teen enige eise wat ek andersins namens en ten behoewe van die minderjarige teen die N G Kerk Helderberg sou kon instel en wat voortspruit uit die aanbieding van die oorslaapaand of die bywoning daarvan deur die minderjarige, insluitende die vervoer na en vanaf die betrokke terrein.
Ek verklaar derhalwe en onderneem hiermee om geen eise vir liggaamlike beserings aan en/of skadevergoeding gely deur die minderjarige tydens deelname aan die ondergemelde bedrywighede, teen die Nederduits Gereformeerde Kerk in te stel nie, opsetlike en growwe nalatige optrede uitgesluit.
Ek maak hierdie verklaring vrywilliglik, verstaan en begryp die inhoud daarvan en verklaar spesifiek dat ek ten volle op hoogte is en myself vergewis het van die aard en omvang van die potensiële risiko's verbonde aan deelname aan gemelde bedrywighede en dat die minderjarige ten volle bewus is van die risiko's van moontlike beserings en daardie risiko's aanvaar.
In hierdie vrywaring sluit die uitdrukking “die Nederduits Gereformeerde Kerk” die volgende in: Die gemeente Helderberg, sy kerkraad, enige lid van die kerkraad, enigiemand wat in die diens van die gemeente is of wat namens hom optree of hom verteenwoordig, en enigiemand wat die uitstappie organiseer of aanbied of lei of by die organisering of aanbieding daarvan betrokke of behulpsaam is.
ALDUS GEDOEN EN GETEKEN TE _____________________OP ____________________2023
As Getuies: Handtekening van ouer/voog
1._______________________
2._______________________ ________________________