Este espazo é un laboratorio de experimentación escénica.
As propostas serán pezas en proceso, non rematadas nin estreadas.
A duración das propostas será de 15 minutos, non superando os 17, nin sendo inferiores a 12. Cada peza fará un mínimo de dous pases e un máximo de catro.
As propostas serán autoxestionadas. Dende a organización ofrecemos asistencia técnica básica e apoio loxístico, sen incluír mesa de son ou equipo de iluminación.
As propostas son para espazos non convencionais. Os espazos que ofrece a arquitectura da A Morada son os seguintes: entrada, barra, escaleiras, cociña, sala-comedor, baños, sala de arte, sala de ensaio
A Morada ten as súas portas abertas para que as artistas acudan a visitar e coñecer o espazo antes da reunión organizativa.
As xornadas fanse un venres pola tarde, ás 20:30 horas, cada dous meses, normalmente cara finais de mes.
Para a participación nas xornadas é obrigatorio asistir ás reunións previas de xestión e organización do evento que se fai coas organizadoras, as artistas participantes e unha representante da A Morada Cooperativa, espazo co-organizador que é a sede deste evento.
Ofrecerase ás artistas un bloque de dúas horas de ensaio (mínimo) na A Morada.
Ofrecerase a cea para as participantes na xornada do evento.
Haberá unha fotógrafa voluntaria e entregarase o material gráfico ás artistas.
A participación non é remunerada.
Os cartos recadados polas entradas son destinados a colaborar co espazo de A Morada así como a pagar os gastos de produción do evento.