Imvumo eyazisiweko
Uyamenywa ukobana uzibandakanye kilelihlolo-phenyo mayelana nephrojekthi yerhubhululo ephenya itjhebiswano phakathi kwamasiko weSewula Afrika kanye neenyamazana zommango. Irhubhululweli ngeleziqu zobuDorhodera elenziwa nguFortunate Phaka obuya eYunivesithi ye-North West neYunivesithi ye-Hasselt. Ukuzibandakanya kwakho kuzakuthatha pheze imizuzu eli-15. Sibawa uthathe isikhatjhana ufunde ilwazi elivezwe lapha, elizakuhlathululela yoke imininingwana yerhubhululweli. Sibawa ubuze umrhubhululi nanyana ngiwuphi umbuzo mayelana nenye nenye ingcenye yerhubhululweli ongayizwisisi kuhle usebenzise imininingwana ongasithinta kiyo etlolwe ngenzasi. Kuqakathekile ukobana waneliseke ngokuzeleko, ukobana uzwisise kuhle ukobana irhubhululweli liphathelene nani nokobana ungazibandakanya njani. Ukuzibandakanya kwakho kilelihlolo-phenyo kukuzinikela. Ungala ukuzibandakanya kilelirhubhululo namkha uphume ulise kwesinye nesinye isikhathi ngaphandle kokuhlawuliswa. Angeze wakghona ukuzibandakanya nangabe ungaphasi kweminyaka eli-18 ubudala.
Nangabe uyavuma ukuzibandakanya uzakulindelwa bona uphendule imibuzo begodu nokobana isiko lakho likhambisana njani neenyamazana zommango. Imiphumela izakukhutjhwa kuma-athikili wesayensi, ithesis kanye nencwadi. Irhubhululo lenza umnikelo ekubulungweni kwelwazi lesiko-kolelo begodu iimpendulo zalabo abazibandakanyako zizakubuthelelwa encwadini emayelana namasiko weSewula Afrika kanye neenyamazana zommango. Incwadi izakutlolwa ngamalimi wendabuko weSewula Afrika. Ngokweminqopho yokuba buntumba, angeze wabuzwa ibizo lakho. Ukwenza isiqiniseko sokobana alikho ibuyelelo lokuzibandakanya, uzakukhonjelwa ukufaka inomboro yomtato namkha isiphande se-imeyili, begodu lokhu angeze kwasetjenziselwa ukuthintana nawe. Akekho umuntu ozokwazi ukutjho bona nguwe namkha ozokwazi iimpendulo zakho, begodu akekho umuntu ozakwazi bona uzibandakanyile namkha awukazibandakanyi kilelirhubhululo.
Ibizo lomrhubhululi: Fortunate Mafeta Phaka
Inomboro yomtato:�0658563696 (WhatsApp)
I-imeyili:
wild@wildvernac.org