CAMPAMENTO DISFRUTA E APRENDE 2021
Un ano máis animámosvos a participar no campamento de verán DISFRUTA E APRENDE que organiza a Asociación Deportiva As Mariñas xunto coa ANPA Valle-Inclán durante a última semana de xuño e todo o mes de xullo no CEIP Valle-Inclán. Durante este mes tentaremos encher o tempo libre dos rapaces e rapazas da forma máis proveitosa e divertida. Para iso temos preparadas: excursións, saídas á praia e ó monte, actividades artísticas, lúdicas, deportivas, teatrais e actividades en lingua inglesa procurando manter sempre un equilibrio entre a diversión e a aprendizaxe.
O día de inicio será do 28 de xuño e durará ata ó 30 de xullo.
A hora de entrada será ás 9 da mañá de luns a venres aínda que a partir das 8:00h. haberá un servizo de madrugadores. A saída será ás 14:00h. agás para quen utilice o servizo de comedor que poderán estar ata as 16:00h.
CONDICIÓNS XERAIS E REQUISITOS DE ADMISIÓN
As inscricións poderanse facer de:
•
5 semanas: 28 de xuño o 30 de xullo.
•
4 semanas: 5 de xullo o 30 de xullo.
•
1ª quincena: 28 xuño o 9 de xullo
•
2º quincena 5 de xullo o 16 de xullo
•
3ª quincena: 19 de xullo o 30 de xullo.
•
1 semana: 28 de xuño o 2 de xullo, 5 de xullo o 9 de xullo, 12 de xullo o 16 de xullo, 19 de xullo o 23 de xullo, 26 de xullo o 30 de xullo
Inscricións online a partir do 21 de abril ás 14:00h. Ata o remate de prazas a través do formulario publicado en:
www.apavalleinclan.esMáis información en:
www.asmariñasadc.com/campamento-veranINFORMACIÓN E PREZOS ->
http://www.asmariñasadc.com/campamento-veran/Nº de prazas vacantes: 12 por semana
Ingreso de cartos: do 25 de maio ao 01 de xuño o 50%. O outro 50% antes do 01 de xullo .
Nº Conta Banco Popular ES63 0238 8114 3906 0324 5156
Respectarase a orde de inscrición e darase a seguinte preferencia:
1º socias/os ANPA,
2º alumnado do centro non asociado á ANPA,
3º resto solicitudes
Requisitos para participar:
Ausencia de enfermidade e síntomas compatibles con Covid-19 (febre, tose, dificultade respiratoria, molestias, diarrea ...) ou calquera outro síntoma infeccioso. Non ter estado en estreito contacto con persoas con síntomas positivos ou compatibles confirmados nos 14 días anteriores ó inicio do campamento.
A participación de nenos con patoloxías básicas previas, debe ser avaliada polo seu pediatra de xeito individual para determinar a idoneidade de participar no campamento, dado que son unha poboación de risco que pode sufrir maiores consecuencias en caso de contaxio. Nestes casos solicitaremos un informe médico.
As nenas e nenos en situación de inmunodepresión (certificada polo seu pediatra) ou que vivan nun fogar cunha persoa inmunodepresiva non pode participar este ano no campamento dadas as extraordinarias circunstancias, evitando así riscos innecesarios.
Insistirase na responsabilidade dos pais á hora de traer ós fillos. Neste sentido As Mariñas confía en que as familias cumpran coa súa obriga, en caso de que algunha familia incorra en algunha irresponsabilidade, As Mariñas non se pode facer responsable, xa que pola nosa parte executaremos todas as medidas indicadas polas autoridades competentes.
De igual xeito, a ANPA do Colexio Valle Inclán e a Consellería de Educación e Ordenación Universitaria da Xunta de Galicia, non terán ningún tipo de responsabilidades, xa que non son organizadores deste evento, a ANPA só fará de enlace entre As Mariñas e as familias asociadas, e a Xunta só deixa as súas instalacións, deste xeito o nivel da súa implicación neste campamento é só de colaboración.
